Azərbaycan Şərq-Qərb istiqamətində yüklərin daşınması üçün Orta Dəhlizin (Transxəzər Beynəlxalq Nəqliyyat Marşrutu, TBNM) inkişafında mühüm rol oynayır.

“Report” xəbər verir ki, bunu Sloveniyanın xarici və Avropa işləri naziri Tanya Fayon Bakıda keçirilən Azərbaycan-Sloveniya biznes forumunda bildirib.

"Bu yol Asiya və Avropa arasında ən sürətli və birbaşa marşrut ola bilər. Bu gün səhər biz Azərbaycan Prezidenti İlham Əliyev və xarici işlər naziri Ceyhun Bayramovla bu məsələni, o cümlədən Sloveniyanın Avropanın mərkəzində mühüm rolunu və logistika əlaqələrinin genişləndirilməsi üçün potensial təqdim edən Koper limanını müzakirə etmək imkanı əldə etdik", - o qeyd edib.

Xatırladaq ki, Orta Dəhliz Qazaxıstan, Xəzər dənizi, Azərbaycan və Gürcüstan vasitəsilə Çin və Avropa ölkələrini birləşdirən beynəlxalq nəqliyyat dəhlizidir. Assosiasiya zəruri informasiya dəstəyini təmin edir, inzibati prosedurların sadələşdirilməsinə, rəqabət mühitinin yaradılmasına kömək edir və müxtəlif ölkələrdən, o cümlədən coğrafi cəhətdən birbaşa TBNM boyunca yerləşməyən ölkələrdən olan iştirakçılar üçün maksimum səmərəliliyi təmin edir.

2024-cü ildə TBNM ilə yükdaşımaların həcmi 62 % artaraq 4,5 milyon tona çatıb. 2025-ci ildə 5,2 milyon ton yükün daşınması proqnozlaşdırılır ki, bunun da 4,2 milyon tonu TBNM-ə üzv ölkələrdən keçəcək. Bu həcmdə 2,5 milyon ton quru yük (96 min TEU), 1,7 milyon ton isə neft olacaq. 2027-ci ilə qədər marşrutun gücü 10 milyon tona çata bilər.

Oxşar xəbərlər

Yaponiyalı nazir: "Orta dəhlizin potensialını öyrənməkdə maraqlıyıq"

TBNM Beynəlxalq Assosiasiyasına üzvlük haqlarının məbləğləri açıqlanıb

KTJ və “PTC Holding” TBNM-in inkişafına 30 milyon dollar sərmayə qoyacaqlar

"DB Cargo Eurasia" Asiya və Avropanın arasında mühüm nəqliyyat marşrutu kimi Orta Dəhlizin inkişafını dəstəkləyəcək

“Global DTC Pte Ltd” Orta Dəhliz boyunca karbon emissiyalarına nəzarət edəcək