"Transxəzər Beynəlxalq Nəqliyyat Marşrutu" (TBNM) Beynəlxalq Assosiasiyası 2025-ci il üçün üzvlük haqlarını müəyyənləşdirib.

“Sizinxeber.az” xəbər verir ki, Assosiasiyaya üzvlük çərçivəsində giriş haqqı yalnız bir dəfə ödənilir və daimi üzvlər üçün 20 min ABŞ dolları, assosiativ üzvlər üçün 10 min ABŞ dolları, fərdi üzvlər üçün 10 min ABŞ dolları təşkil edir.

İllik üzvlük haqqı daimi üzvlər üçün 70 min ABŞ dolları, assosiativ üzvlər üçün 22,48 min ABŞ dolları, fərdi üzvlər üçün 17,984 min ABŞ dolları müəyyən edilib.

Qeyd edək ki, TBNM Beynəlxalq Assosiasiyası Transxəzər Beynəlxalq Nəqliyyat Marşrutu çərçivəsində yüklərin daşınmasında iştirak edən tərəflərin qarşılıqlı fəaliyyətini əlaqələndirmək məqsədilə yaradılıb. Assosiasiya marşrut üzrə daşımaları optimallaşdırmaq üçün informasiya dəstəyi göstərir, inzibati prosedurların sadələşdirilməsinə, rəqabət mühitinin formalaşdırılmasına və effektiv logistik həllərin təmin olunmasına kömək edir. O, eyni zamanda, Orta Dəhlizə coğrafi baxımdan birbaşa daxil olmayan ölkələrin iştirakını da təşviq edir.

Transxəzər Beynəlxalq Nəqliyyat Marşrutu (TBNM) və ya Orta Dəhliz Çin və Avropa arasında yükdaşımaları təmin edən beynəlxalq nəqliyyat arteriyasıdır. Marşrut Qazaxıstan, Xəzər dənizi, Azərbaycan və Gürcüstan ərazisindən keçərək Şərq və Qərb arasında mühüm ticarət bağlantısı yaradır.

TBNM Beynəlxalq Assosiasiyasının daimi üzvləri arasında "Azərbaycan Dəmir Yolları” QSC, "Azərbaycan Xəzər Dəniz Gəmiçiliyi” QSC, "Aktau Dəniz Ticarət Limanı” SC, "Bakı Beynəlxalq Dəniz Ticarət Limanı” QSC, "Gürcüstan Dəmir Yolu” SC, "TCDD Transportation” JSC (Türkiyə), "Ukrzaliznitsya” SC (Ukrayna) və digər tərəfdaşlar var.

Oxşar xəbərlər

KTJ və “PTC Holding” TBNM-in inkişafına 30 milyon dollar sərmayə qoyacaqlar

Bu il üçün Orta Dəhlizlə yük daşımaları planı və icrası razılaşdırılıb

Bu il üçün TBNM üzrə yük daşımaları planı razılaşdırılıb - FOTO

Bakıda fevralda TBNM ilə bağlı iclas keçiriləcək

Orta Dəhlizlə yükdaşımalar 62 % artıb