Qazaxıstanın “PTC Holding”i və “Qazaxıstan Dəmir Yolu” ASC (KTJ) Gürcüstanda Transxəzər Beynəlxalq Nəqliyyat Marşrutunun (TBNM, Orta Dəhliz) bir hissəsi olacaq Poti multimodal konteyner terminalının tikintisinə 30 milyon ABŞ dolları sərmayə qoyacaq.

Bu barədə "Sizinxeber.az" KTJ-yə istinadən xəbər verir.

Bu gün Bakıda TBNM-in inkişafı üzrə işçi qrupunun iclasları çərçivəsində KTJ və “PTC Holding” arasında Niyyət Memorandumu imzalanıb. Sənəd Gürcüstanda terminal infrastrukturunun birgə inkişafını nəzərdə tutur. Memorandum Potidə gücü ildə 80 min TEU-dan çox olan multimodal konteyner terminalının tikintisi layihəsinin həyata keçirilməsinə yönəldilib. Layihə çərçivəsində ümumi investisiya məbləği 30 milyon ABŞ dolları təşkil edir. 

Bildirilib ki, bu terminal qablaşdırılmış və konteynerləşdirilmiş yüklərin səmərəli emalını təmin edərək TBNM-in bir hissəsi olacaq ki, bu da bu marşrut üzrə yükdaşımaların həcmini artıracaq.

“Marşrutun ötürmə qabiliyyətini artıracaq, logistika proseslərini optimallaşdıracaq və beynəlxalq yükdaşıma bazarında regionun mövqeyini gücləndirəcək investisiya və resursların cəlb edilməsinə xüsusi diqqət yetirilib. Memorandumun imzalanması strateji tərəfdaşlığın möhkəmləndirilməsi və ölkənin beynəlxalq nəqliyyat və logistika zəncirlərinə gələcək inteqrasiyası istiqamətində mühüm addımdır”, - məlumatda qeyd olunub.

TBNM və yaxud Orta Dəhliz Qazaxıstan, Xəzər dənizi, Azərbaycan və Gürcüstan vasitəsilə Çin və Avropa ölkələrini birləşdirən beynəlxalq nəqliyyat dəhlizidir.

Oxşar xəbərlər

Ötən il TBNM ilə 3,3 milyon ton yük daşınıb

Orta Dəhliz vasitəsilə konteyner yükdaşımaları 14 dəfə artıb

Tokayev: "Transqazaxıstan dəmir yolu dəhlizi TBNM-in əsas həlqəsi olacaq"

Orta Dəhlizlə bu il konteyner daşımaları 3 dəfə artıb

"APM Terminals Poti": Orta Dəhlizi dəstəkləyəcək Poti terminalının tikintisi 2027-ci ildə yekunlaşacaq