2025-ci ilin yanvar-fevral ayları ərzində Azərbaycana 1 milyard 422,1 milyon ABŞ dolları dəyərində 15 min 868.46 kiloqram qızıl idxal edilib.

“Sizinxeber.az-Economics”in Dövlət Statistika Komitəsinin hesabatı əsasında apardığı hesablamalara görə, bu dövrdə ölkəyə gətirilən qızılın 1 kiloqramının orta idxal qiyməti 89 min 614.7 ABŞ dolları təşkil edib.

Qeyd edək ki, bu ilin iki ayında Azərbaycanda qızıl istehsalı 478.3 kq təşkil edib. Bu dövrdə Azərbaycandan İsveçrəyə 40 milyon 170.4 min ABŞ dolları dəyərində 748.3 kq emal olunmamış qızıl ixrac edilib. Bu məhsulun 1 kiloqramının orta ixrac qiyməti isə 53 682.9 ABŞ dolları təşkil edib.

Xatırladaq ki, ötən il Azərbaycana 11 ölkədən 3 milyard 312.9 milyon dolları dəyərində 41 min 78.4 kiloqram qızıl idxal edilib.

Aşağıdakı cədvəldə bu ilin iki ayında Azərbaycana idxal edilən qızılın ölkələr üzrə həcmi verilib:

Ölkələr	Qızıl idxalı	İdxal dəyəri. Min ABŞ dolları
Rusiya	3474,95 kq	315469,47
Avstraliya	2828,87 kq	241331,88
Meksika	2007,11 kq	174711,79
Çin	1173,72 kq	108207,58
Böyük Britaniya	1200,38 kq	106210,47
Kanada	966,58 kq	91674,07
Almaniya	1012,1 kq	90445,28
Türkiyə	959,78 kq	88713,07
Braziliya	896,79 kq	81970,85
Özbəkistan	397 kq	37239,16
İsveçrə	344,21 kq	32070,02
Amerika Birləşmiş Ştatları	261,14 kq	22747,1
Çinin xüsusi inzibati rayonu Honkonq	159,25 kq	14217,44
Cənubi Afrika Respublikası	100,48 kq	9233,64
İspaniya	48,16 kq	4252,43
Yaponiya	37,88 kq	3552,22

Əlavə edək ki, ölkəyə qızıl idxalı dedikdə, qızıldan yarımişlənmiş formalarda çubuqlar, məftil və profillər, lövhələr, istənilən altlıq nəzərə alınmadan qalınlığı 0,15 mm-dən çox olan vərəqlər, zolaqlar və ya lentlər nəzərdə tutulur.

Oxşar xəbərlər

Azərbaycanın gümüş ixracından gəlirləri açıqlanıb

Ötən il Azərbaycana 34 tondan çox qızıl idxal edilib - SİYAHI

Azərbaycan 3 ölkədən qızıl tədarük etməyə başlayıb

Azərbaycanda çay istehsalı azalıb, idxalı isə artıb

Monqolustandan Azərbaycana qoyun əti idxalı kəskin artıb