Ümumdünya Şəhərsalma Forumunun 13-cü sessiyası (WUF13) yalnız bir konfrans deyil, bu tədbir fəaliyyət üçün bir platformadır.

"Sizinxeber.az" xəbər verir ki, bunu Dövlət Şəhərsalma və Arxitektura Komitəsinin sədri Anar Quliyev Bakıda keçirilən WUF13-ün açılış mərasiminə həsr olunan mətbuat konfransında bildirib.

"WUF13 Azərbaycan Əməliyyat Şirkəti tərəfindən hazırlanmış standartlara əsaslanaraq, Ümumdünya Şəhərsalma Forumlarının növbəti ev sahibləri üçün birgə məlumatlandırıcı əməliyyat bələdçisi hazırlamaq məqsədilə UN-Habitat ilə əməkdaşlıq etmək niyyətindəyik. WUF13-ün bizim üçün ən vacib tarixi nəticələrindən biri ISO 20121 standartının milli səviyyədə qəbul edilməsinə nail olunmasıdır. Bu nəticə bizim irimiqyaslı beynəlxalq tədbirlərin yalnız uğurla deyil, həm də məsuliyyətlə və dayanıqlı şəkildə təşkil edilməsini təmin etmək öhdəliyimizi əks etdirir" - o vurğulayıb.

Onun sözlərinə görə, Biznes və İnnovasiya Habının yaradılması ilə özəl sektorun təmsilçiliyi genişləndirilib ki, bu da startaplar üçün bir platforma yaradır: "WUF13 yalnız bir konfrans deyil, bu, fəaliyyət üçün bir platformadır. Məqsədimiz aydındır: bu forumun praktiki nəticələr verməsini və həm Azərbaycan, həm də beynəlxalq şəhərsalma gündəliyi üçün mənalı bir irs qoymasını təmin etməkdir".

Oxşar xəbərlər

WUF13-də iştirak üçün qeydiyyatdan keçənlərin sayı açıqlanıb

WUF13-də qeydiyyatdan keçənlərin sayı 20 minə çatıb

Anaklaudia Rossbax: Bakıdakı WUF13 UN-Habitat tarixində ən böyük forum olub

Rossbax: UN-Habitat Azərbaycana WUF13 üçün məkan təqdim etdiyinə görə minnətdardır

BMT-nin iclasında WUF13 müzakirə edilib