Salyanda 20-yə yaxın kənd işıqsız qalıb.

"Report"un Aran bürosunun məlumatına görə, rayonda yağan qar elektrik təsərrüfatında ciddi problemlər yaradıb.

Belə ki, gecə saatlarından indiyədək rayonun Qarabağlı, Çaxırlı, Arxarası, Yenikənd, Həsənli, Şəkərli, Kürsəngi, l-ll Varlı, Peyk, Xocalı və ümumilikdə 20-yə yaxın kəndlərində elektrik enerjisinin verilişi dayanıb.

Minlərlə sakin qışın qarlı-çovğununda işıqsız qalıb. Bununla bərabər ötən axşam saat 21:00 radələrində şəhərin Ə.Kürçaylı, H.Əliyev, T.Xəlilbəyli, Y.Zərhərli, Ə.Zeynalov və digər küçələrin sakinləri də enerji verilişindən məhrum olub. Enerjinin bərpası ilə bağlı aidiyyəti qurumlar hərəkətə keçiblər.

Qeyd edək ki, hazırda fasiləsiz olaraq qar yağır. Qarın hündürlüyü 20 santimetrə çatıb.

Oxşar xəbərlər

Cənub rayonları işıqsız qaldı

Avstraliyada 130 mindən çox ev işıqsız qalıb

Zaqatala və Balakəndə evləri sel suları basıb, dörd körpü yararsız haldadır

Gəncədə güclü külək əsir, bəzi ərazilərdə enerjinin verilişi dayandırılıb

Qərb bölgəsində küləkli hava ciddi fəsadlar törədib