Sabahdan "Azərbaycan Dəmir Yolları" QSC (ADY) loyallıq proqramının tətbiqinə başlayır.

"Report" xəbər verir ki, bunu jurnalistlərə açıqlamasında səhmdar cəmiyyətinin Sərnişin daşımaları departamentinin rəisi Azər Fərəcov bildirib.

Onun sözlərinə görə, bu proqram şəhərətrafı qatarlarla səfər edən sərnişinlərə “ADY Mobile” tətbiqi vasitəsilə daha sərfəli və rahat səyahət imkanları yaradır, gedişlər üzrə 3% "cash back" və qeydiyyat, dostun dəvət edilməsi, sorğularda iştirak və qiymətləndirmələr zamanı bonus qazandırır.

"Loyallıq proqramı bir həftə test rejimində fəaliyyət göstərəcək", - deyə ADY rəsmisi qeyd edib.

Qurum həmçinin 1 noyabr tarixindən ölkədaxili marşrutlar üzrə dinamik qiymət siyasətinə keçir. Yeni qiymət siyasətinə əsasən, bilet qiymətləri tələbdən asılı olaraq dəyişə biləcək. Bilet satış sisteminə inteqrasiya edilmiş qabaqcıl texnologiyalar sayəsində sərnişinlərə real vaxtda qiymətləri izləmək və ən uyğun səyahət vaxtını seçmək imkanı yaradılır. Artıq səfərə 30-25 gün qalmış və əks istiqamətdə oturacağa bilet almış sərnişinlər 15 % endirimdən yararlana biləcəklər.

Oxşar xəbərlər

Azərbaycandakı bəzi dəmiryol stansiyalarında ödənişsiz “Wi-Fi” şəbəkəsi olacaq [xfgiven_updateblue][/xfgiven_updateblue]

Azərbaycanda qatarlara elektron şəxsiyyət vəsiqəsi ilə minmək mümkün olub [xfgiven_updateblue][/xfgiven_updateblue]

Sabahdan avtovağzallar gücləndirilmiş iş rejimində fəaliyyət göstərəcəklər [xfgiven_updateblue][/xfgiven_updateblue]

ADY: Bakı-Sumqayıt qatarları ilə gündəlik 37 min sərnişin daşınır [xfgiven_updateblue][/xfgiven_updateblue]

"Zirə" - "DAK 1904" matçına 2500 bilet satılıb [xfgiven_updateblue][/xfgiven_updateblue]