Orta Dəhliz çərçivəsində Tszixuadan ilk yük qatarı Türkmənistan vasitəsilə Bakıya yola düşüb
sizinxeber.az xəbər saytı

Orta Dəhliz çərçivəsində Tszixuadan ilk yük qatarı Türkmənistan vasitəsilə Bakıya yola düşüb


Transxəzər Beynəlxalq Nəqliyyat Dəhlizi (TBNM, Orta Dəhliz) çərçivəsində Çinin Çjetsyan əyalətindən ilk yük qatarı Türkmənistan üzərindən Azərbaycana yola düşüb.

Bu barədə “Report” Türkmənistanın Nəqliyyat və Kommunikasiya Agentliyinə istinadən məlumat verir.

"Tszinxua şəhərindən ilk yük qatarı Türkmənbaşı limanına yola düşüb ki, bu da başlanğıc nöqtəsi Çinin ən inkişaf etmiş iqtisadi regionlarından birində olan yeni TBNM-in rəsmi açılışını bildirir. 100 standart konteynerdən ibarət qatar Türkmənbaşı limanına istiqamət alıb, oradan yüklər Xəzər dənizi vasitəsilə Bakı limanına göndəriləcək", - məlumatda bildirilir.

Marşrut boyunca qatar Xorqos nəzarət-buraxılış məntəqəsi vasitəsilə Çin-Qazaxıstan sərhədini keçəcək, daha sonra Almatı, Daşkənd və Aşqabaddan hərəkəti davam etdirəcək.

Çin tərəfinin qiymətləndirmələrinə görə, yeni marşrutun istifadəyə verilməsi ənənəvi Aktau - Bakı logistika xəttinin yükünü azaldacaq, həmçinin Çin məhsullarının Mərkəzi Asiya və Şərqi Avropa bazarlarına çatdırılmasını sürətləndirəcək.

"Yeni yol artıq Çjetsyan əyalətinin Çin - Avropa marşrutu üzrə dəmir yolu ilə yük daşımaları çərçivəsində yaratdığı sayca 26-cı beynəlxalq logistika istiqaməti olub", - məlumatda qeyd olunur.

Gülnar Mahmudova

Oxşar xəbərlər

KTZ: Bu ilin əvvəlindən Orta Dəhlizlə 300-cü konteyner qatarı yola salınıb
2025-ci ildə ilk Çin-Avropa yük qatarı Siandan Daşkəndə yola düşüb
Qazaxıstan buğdası ilə ilk qatar BƏƏ-yə yola düşüb
Rövşən Rüstəmov: "Çin Orta Dəhliz ilə ildə 1 000 konteyner blok qatarı göndərəcək"
Çindən Orta Dəhlizlə Azərbaycan istiqamətində 300-cü blok-qatar yola salınıb

Ən son xəbərləri bizim

"Facebook" səhifəmizdə izləyin

Digər xəbərlər