Meksikanın Deputatlar Palatası (parlamentin aşağı palatası) hakim partiyanın koordinatoru Rikardo Monreal tərəfindən irəli sürülən, xarici müdaxilə zamanı seçki nəticələrinin ləğv edilməsini nəzərdə tutan Konstitusiya dəyişikliyini təsdiqləyib.

"Report" xəbər verir ki, bu barədə qanunvericilik orqanının "X" sosial şəbəkə hesabında bildirilir.

"Konstitusiyanın 41-ci maddəsinin VI bölməsinin islahatına dair fərman layihəsi təsdiq edilib, alt bəndi əlavə olunub və xarici müdaxiləyə görə seçkilərin etibarsız hesab edilməsi üçün yeni əsas tətbiq edilib", - məlumatda deyilir.

Qeyd olunub ki, təşəbbüsü 307 deputat dəstəkləyib, 128 parlamentari əleyhinə səs verib, bir nəfər isə bitərəf qalıb.

Qəbul edilmiş düzəlişlər xarici aktorların, siyasi qüvvələrin və ya xarici maliyyələşdirmənin demokratik prosesin nəticəsinə təsiri sübut olunarsa, konkret seçki məntəqələrində və ya bütövlükdə ölkə üzrə seçki nəticələrinin ləğv edilməsi şəklində sərt sanksiyalar müəyyən edir.

Oxşar xəbərlər

İmişlidə bir bələdiyyə üzrə seçkilərin nəticələri ləğv edilib

Özbəkistanda parlamentin aşağı palatasına seçkilər keçiriləcək

MSK parlament seçkilərinin nəticələrinin təsdiqi üçün müvafiq sənədləri Konstitusiya Məhkəməsinə təqdim edib

Bu gün Konstitusiya Məhkəməsi parlament seçkilərinin nəticələrinin təsdiqlənməsinə baxacaq

Özbəkistanda parlament seçkiləri baş tutmuş hesab edilib