Azərbaycanın Dövlət Neft Şirkətinin (SOCAR) "Italiana Petroli"yə (IP) investisiyaları İtaliyanın sənaye və enerji platforması kimi mövqeyini möhkəmləndirir.

"Report" xəbər verir ki, bu barədə İtaliyanın iqtisadi inkişaf naziri Adolfo Urso "X" sosial şəbəkəsində yazıb.

Onun sözlərinə görə, nazirlikdə IP-yə investisiyaların yekun təsdiqindən sonra onun Azərbaycanın iqtisadiyyat nazirinin müavini Anar Axundov və şirkətin prezidenti Rövşən Nəcəfin başçılıq etdiyi SOCAR nümayəndə heyəti ilə görüşü keçirilib.

"Bu investisiyalar İtaliyanın sənaye və enerji platforması kimi mövqeyini möhkəmləndirir", - nazir əlavə edib.

Xatırladaq ki, SOCAR 2026-cı il mayın 8-də "Italiana Petroli" (IP) şirkətinin 99,82 % səhm paketinin "API Holding"dən alınması prosedurunun başa çatdığını elan edib. Sövdələşmə nəticəsində IP SOCAR-ın strukturuna daxil olub, bu da dövlət şirkətinə Avropa enerji bazarında mövqelərini möhkəmləndirməyə imkan verəcək.

Oxşar xəbərlər

SOCAR "Italiana Petroli" şirkətinin səhmlərinin alınması prosesini başa çatdırıb

SOCAR İtaliya bankından maliyyə vəsaiti cəlb edir

SOCAR “ExxonMobil Corporation” ilə Anlaşma Memorandumu imzalayıb

SOCAR: Bakı Enerji Həftəsində vacib sənədlərin imzalanması gözlənilir

Vanniya Qava: "TAP İtaliyanın Aralıq dənizində enerji qovşağı kimi mövqeyini gücləndirir"