2025-ci ilin ilk yük qatarı yanvarın 1-də Şensi əyalətinin Sian beynəlxalq limanı stansiyasından Özbəkistanın paytaxtına yola düşüb.

“Sizinxeber.az” xəbər verir ki, bu barədə “Xinhua” məlumat yayıb.

"Bu, Çin-Avropa beynəlxalq dəmir yolu ilə yükdaşımalar çərçivəsində ilk Sian-Daşkənd sürət qatarının işə salındığını göstərir. Məişət texnikası, toxuculuq məmulatları və kimya sənayesi məhsullarının yükləndiyi 50 konteynerdən ibarət qatar Şimal Qərbi Çinin Sincan-Uyğur muxtar rayonundakı Horqos sərhəd-keçid məntəqəsindən keçərək Qazaxıstan ərazisindən Özbəkistana çatacaq", - agentlik qeyd edir.

Sian-Daşkənd sürət qatarı Çin-Avropa yük qatarlarına xidmət göstərən Sian "Çanba" beynəlxalq limanının iştirakı ilə hazırlanmış nəqliyyat xidmətləri çərçivəsində yenilik olub.

"Çin Dəmir Yolları Korporasiyası və digər dəmir yolu və gömrük qurumları ilə əməkdaşlıq sayəsində Siandan Daşkəndə yük qatarının yolda olma müddəti 8-10 gündən 5-6 günə qədər azaldılıb", - Sian şəhərinin azad ticarət limanının tikintisi və istismarı şirkətinin baş direktoru Yuan Xiaojun bildirib.

"Çanba" beynəlxalq liman administrasiyasının məlumatına görə, 2024-cü ilin yanvar-noyabr aylarında Siandan Mərkəzi Asiya istiqamətində Çin-Avropa yük qatarları ilə göndərilən standart konteynerlərin sayı illik müqayisədə 49,8 % artaraq 69 655 min təşkil edib.

Oxşar xəbərlər

Bu ilin əvvəlindən Çin Orta Dəhlizlə Avropaya 280 konteyner qatarı göndərib

İlk dəfə ixrac yükləri Bakıdan dəmiryolu nəqliyyatı ilə Çinə yola salınıb

KTZ: Bu ilin əvvəlindən Orta Dəhlizlə 300-cü konteyner qatarı yola salınıb

ADY və Çinin Sian Limanı Orta Dəhlizlə yükdaşımaların artırılması üçün əməkdaşlığı genişləndirir - FOTO

Bu ilin sonuna qədər Çin Orta Dəhlizlə 300-ə yaxın konteyner blok qatarı göndərə bilər