Avropa İnvestisiya Bankı (EIB) Azərbaycanda bərpa olunan enerji, "yaşıl hidrogen”, dayanıqlı nəqliyyat, bələdiyyə infrastrukturunun inkişafı, enerji səmərəliliyi və enerji şəbəkələrinin modernləşdirilməsi ilə bağlı layihələri dəstəkləməkdə maraqlı olduğunu bildirib.

Bu barədə “Sizinxeber.az”a EIB-dən məlumat verilib.

Bankdan bildiriblər ki, Azərbaycan hidrogen ixracı, həmçinin günəş və külək enerjisinin inkişafı üçün böyük potensiala malikdir.

"Təklif edilə biləcək maliyyələşdirmə mexanizmlərinə belə layihələrin uğurla həyata keçirilməsi üçün uzunmüddətli kreditlər, zəmanətlər və texniki yardım daxildir", - EIB qeyd edib.

Bankın prioritetləri arasında "yaşıl enerji", enerji səmərəliliyi, rəqəmsallaşma, infrastrukturun dayanıqlı inkişafı və əlaqələrin genişləndirilməsi yer alır.

"EIB Global" digər beynəlxalq maliyyə institutları ilə əməkdaşlıq etmək niyyətindədir və Avropa İttifaqı ilə Cənubi Qafqaz regionu arasında sualtı enerji və rəqəmsal bağlantılar da daxil olmaqla, regional əlaqələrin inkişafına yönəlmiş layihələri nəzərdən keçirməyə hazırdır", - bankın məlumatında vurğulanıb.

Oxşar xəbərlər

EIB Azərbaycanın "yaşıl iqtisadiyyat”a keçidini dəstəkləməyə hazırdır

“Masdar” Azərbaycanda ofşor külək enerjisi, "yaşıl hidrogen" və enerji saxlama sistemlərini araşdırır

AIIB Azərbaycanla günəş enerjisi sahəsində ilk sazişini imzalayıb

Avropa Komissiyasının enerji məsələləri üzrə komissarı Azərbaycana gəlir

EIB Azərbaycana investisiyaların həcmini açıqlayıb