Azərbaycan və Rumıniya arasında "Yaşıl Enerji Dəhlizi" layihəsi üzrə müzakirələr aparılıb.

"Report" Energetika Nazirliyinə istinadən xəbər verir ki, bu barədə müzakirələr nazii Pərviz Şahbazovla Rumıniya Prezidentinin milli təhlükəsizlik üzrə müşaviri Marius-Qabriel Lazurka arasında keçirilən görüşdə aparılıb.

Görüşdə iki ölkə arasında strateji tərəfdaşlığa əsaslanan münasibətlərin inkişafında enerji sahəsinin mühüm rol oynadığı vurğulanıb. Neft-qaz tədarükü, Azərbaycan Dövlət Neft Şirkətinin (SOCAR) Rumıniyada geniş fəaliyyəti karbohidrogen sektorunda yüksək əməkdaşlığın göstəriciləri kimi qeyd edilib.

"Xəzər-Qara dəniz-Avropa Yaşıl Enerji Dəhlizi" layihəsinin isə bu əməkdaşlığı elektrik enerjisi sahəsi ilə daha da möhkəmləndirəcəyi bildirilib. Marius-Qabriel Lazurka bu layihənin təkcə ayrı-ayrı ölkələr üçün deyil, bütövlükdə Avropa İttifaqının enerji təhlükəsizliyi və dayanıqlı inkişafı üçün xüsusi əhəmiyyət daşıdığını deyərək bildirib ki, Azərbaycan bu təşəbbüs çərçivəsində Avropanın mühüm enerji tərəfdaşı kimi çıxış edir.

Görüşdə layihənin texniki-iqtisadi əsaslandırmasının nəticələrinin yaxın zamanda təqdim ediləcəyi bildirilib. Qeyd olunub ki, "Yaşıl Enerji Dəhlizi" həm Azərbaycan kimi istehsalçı ölkələr, həm də Rumıniya, Macarıstan və digər Mərkəzi və Şərqi Avropa ölkələri üçün uzunmüddətli iqtisadi və enerji baxımından faydalar yaradacaq.

Görüşdə, həmçinin Rumıniyanın enerji sahəsində həyata keçirdiyi yeniliklər nəzərdən keçirilib və perspektiv əməkdaşlıq imkanları dəyərləndirilib.

17:16

Azərbaycan və Rumıniya enerji tərəfdaşlığının əhəmiyyəti və "Yaşıl Enerji Dəhlizi" layihəsinin inkişafı məsələlərini müzakirə edib.

"Report" xəbər verir ki, bunu energetika naziri Pərviz Şahbazov "X" sosial şəbəkəsindəki hesabında bildirib.

Məlumata görə, bu müzakirələr Rumıniya Prezidentinin milli təhlükəsizlik üzrə müşaviri Marius-Qabriel Lazurca ilə görüşdə aparılıb.

Nazir bildirib ki, layihənin Avropanın artan enerji tələbatının qarşılanmasında mühüm rolunu nəzərə alaraq, əməkdaşlığın gücləndirilməsinin vacibliyi barədə fikir mübadiləsi aparılıb.

Oxşar xəbərlər

Azərbaycan və Rumıniya qaz tədarükünü müzakirə edib - YENİLƏNİB

Azərbaycan Rumıniya ilə Yaşıl Enerji Dəhlizinin inkişafını müzakirə edib

Azərbaycan və Rumıniya qaz tədarükünü müzakirə edib

Serbiyanın “Xəzər-Qara dəniz-Avropa Yaşıl Enerji Dəhlizi”nə qoşulması müzakirə edilib

Gələn il Azərbaycan-Macarıstan enerji üzrə İşçi Qrupunun növbəti iclası keçiriləcək