Azərbaycan Dövlət Neft Şirkəti (SOCAR) və Macarıstanın "MOL Group" şirkəti arasında səmərəli enerji həlləri vasitəsilə enerji təhlükəsizliyinin və dayanıqlı inkişafın dəstəklənməsinə yönəlmiş əlavə əməkdaşlıq imkanları müzakirə olunub.

"Report" xəbər verir ki, bunu SOCAR prezidenti Rövşən Nəcəf "X" sosial şəbəkəsindəki hesabında bildirib.

Onun sözlərinə görə, müzakirələr Daşkənddə keçirilmiş "Özbəkistanın nefti və qazı" ("Oil and Gas of Uzbekistan - OGU2026") çərçivəsində "MOL Group"un kəşfiyyat və hasilat üzrə icraçı vitse-prezidenti Zsombor Marton ilə görüşdə aparılıb.

Tərəflər möhkəm və uzunmüddətli tərəfdaşlığı vurğulayıb, eyni zamanda qarşılıqlı maraq doğuran sahələrdə əməkdaşlığın genişləndirilməsi perspektivlərinə diqqət yetirib.

R. Nəcəf bildirib ki, Azərbaycanda birgə upstream layihələri, o cümlədən Azərbaycanın Şamaxı-Qobustan bölgəsindəki quru sahə üzrə Kəşfiyyat, İşlənmə və Hasilat Bölgüsü Sazişi çərçivəsində davam edən işlər barədə fikir mübadiləsi aparılıb.

Oxşar xəbərlər

SOCAR və "MVM Group" bərpaolunan enerji sahəsində əməkdaşlığı müzakirə edib

SOCAR ABŞ şirkəti ilə enerji sektorunda yeni əməkdaşlıq imkanlarını araşdırır

SOCAR Daşkənddə keçirilən OGU2026 sərgi-konfransında pavilyonu ilə iştirak edir

SOCAR Rumıniya ilə bir sıra enerji məsələlərini müzakirə edib

“MOL Group” şirkətinin prezidenti ilə görüş keçirilib