Azərbaycanın Slovakiyadakı səfiri Vüsal Abdullayev Azərbaycan milli komandasını minifutbol üzrə Avropa çempionatında qazandığı qələbə münasibətilə təbrik edib.

"Sizinxeber.az"un məlumatına görə, diplomat bu barədə "X" sosial şəbəkəsində yazıb.

O qeyd edib ki, Azərbaycan millisi finalda Ukrayna komandasını məğlub edərək ikinci dəfə Avropa çempionu olub.

"Komanda bütün turnir boyu yüksək səviyyəli oyun nümayiş etdirib və bu uğura tam layiq olub", - səfir vurğulayıb.

O, həmçinin Azərbaycan Minifutbol Federasiyasını və onun prezidenti Orxan Məmmədovu, eləcə də Slovakiyada yaşayan azərbaycanlıları təbrik edərək, milli komandaya göstərdikləri fəal dəstəyə görə onlara təşəkkür edib.

Səfir Azərbaycan millisinə və Minifutbol Federasiyasına yeni qələbələr və nailiyyətlər arzulayıb.

Oxşar xəbərlər

ABŞ səfirliyi Azərbaycan millisini təbrik edib

Avropa çempionatı: Azərbaycanın minifutbol millisi bu gün finalda Ukrayna ilə qarşılaşacaq

Mehriban Əliyeva minifutbol millimizi dünya çempionu olması münasibətilə təbrik edib

Elşad Quliyev: "Belə çempionluq məni ikiqat sevindirir"

Azərbaycanın minifutbol millisi Avropa çempionatının 1/4 finalında bu gün Çexiya ilə qarşılaşacaq