Bəhreynin Xarici İşlər Nazirliyi (XİN) İranın onun ərazisinə etdiyi hücumları, eləcə də Küveytə endirdiyi zərbələri pisləyib.

"Sizinxeber.az" xəbər verir ki, bu barədə xarici siyasət idarəsinin rəsmi məlumatında bidirilib.

Bəyanatda Bəhreyn və Küveyt silahlı qüvvələrinin yüksək döyüş hazırlığı və istənilən hücumu dəf etmək qabiliyyəti diqqətə çatdırılıb.

Qurumdan həmçinin bildirib ki, İran tərəfindən edilən hücum iki dövlətin suverenliyinin, BMT Nizamnaməsinin və beynəlxalq normaların ciddi şəkildə pozulmasıdır.

"Bu cür hərəkətlər ölkələrin təhlükəsizliyinə və sabitliyinə təhdid yaradır. Təhlükəsizlik raketlər və pilotsuz uçuş aparatları ilə əldə edilmir, sabitliyi isə dəniz minalarının quraşdırılması ilə təmin etmək mümkün deyil", - məlumatda bildirilib.

Bəhreyn həmçinin mülki gəmilər üçün təhlükəsiz beynəlxalq humanitar dəhliz yaratmağa və regionda blokadada qalan 20 mindən çox dənizçinin evlərinə qayıtmaq imkanını təmin etməyə çağırıb.

Daha əvvəl bildirilmişdi ki, ABŞ hərbçiləri İran tərəfindən Küveyt və Bəhreyn istiqamətində buraxılan bir neçə ballistik raketi ələ keçiriblər.

Oxşar xəbərlər

Küveytdə İranın PUA və raket hücumları nəticəsində bir nəfər həlak olub, 63 nəfər yaralanıb - YENİLƏNİB-2

İranın zərbələri nəticəsində Küveytdə bir nəfər ölüb - YENİLƏNİB

Küveytdə İran PUA-larının hücumları nəticəsində bir neçə nəfər yaralanıb

BƏƏ Müdafiə Nazirliyi: İranın hücumlarında 230 nəfər yaralanıb

İran XİN başçısı: İsrailin İrana qarşı hücumları BMT Nizamnaməsinin pozulmasıdır