İordaniyanın paytaxtı Ammanda keçirilən sərbəst güləş üzrə 17 yaşadək yeniyetmələr arasında dünya çempionatında mübarizəyə start verilib.

Sizinxeber.az xəbər verir ki, gu barədə Azərbaycan Güləş Fedeeasiyası məlumat yayıb.

Çempionatın beşinci günündə Azərbaycanın iki sərbəst güləşçisi bürünc medal qazanıb.

Hüseyn Hüseynov (55 kiloqram) startda türkmənistanlı Azatberdi Aşırquliyevdən güclü olub – 3:1. Həmyerlimiz daha sonra tunisli Mokbel Sahliyə heç bir şans verməyib – 11:1. Hüseyn yarımfinalda Puerto-Riko təmsilçisi Josef Baxmana 2:5 hesabı ilə məğlub olub. Bürünc medal uğrunda yarışda Hüseynov ermənistanlı Qaqik Qazaryanı 2:1 hesabı ilə üstələyərək dünya çempionatını 3-cü pillədə başa vurub.

Muxamad Qantemirov (110 kiloqram) 1/8 finalda amerikalı Maykl Mokkoya uduzub – 6:16. Belaruslu Yaraslav Koxan təsəlliverici görüşə gəlmədiyi üçün Qantemirov birbaşa üçüncü yer uğrunda qarşılaşmaya vəsiqə qazanıb. Gürcüstanlı Qiqiya Lukunidze üzərində inamlı qələbə (7:0) qazanan Muxamad bürünc mükafatı boynundan asıb.

Oxşar xəbərlər

Həsrət Cəfərov bürünc medal qazanıb

Paris-2024: Azərbaycan güləşçisi bürünc medal qazanıb

Paris-2024: Azərbaycan medal sıralamasında 15-cidir

Azərbaycanın iki güləşçisi dünya çempionu olub

Rəqibinə 10:0 hesabı ilə qalib gələn idmançımız bürünc medal qazandı