Slovakiya Ukraynanın Avropa perspektivini dəstəkləyir, lakin bu prossesi uzunmüddətli hesab edir və onun Avropa İttifaqına (Aİ) daxil olması üzrə bütün sürətləndirilmiş prosedurlara qarşı çıxır.

"Report"un Avropa bürosu xəbər verir ki, bu barədə Slovakiyanın Baş naziri Robert Fitso Brüsseldə keçirilən brifinqdə bildirib.

Fitso bildirib ki, Ukrayna Prezidenti Volodimir Zelenski ilə görüşdə bir çox liderlər müəyyən məsələlər üzrə ciddi fikir ayrılıqlarının olduğunu təsdiqləsələr də, dialoqu davam etdirmək və ikitərəfli əməkdaşlığı inkişaf etdirmək barədə razılığa gəliblər.

Slovakiya Baş nazirinin sözlərinə görə, hazırda Aİ-nin genişlənməsi prosesində prioritet Serbiya, Monteneqro və Albaniyaya verilməlidir. Onun fikrincə, adları çəkilən ölkələr ittifaqa üzv olmaq üçün daha hazırlıqlıdırlar.

Fitso həmçinin Aİ Şurasının nümayəndələri ilə Rusiya arasında əlaqə kanalının yaranmasını alqışlayaraq vurğulayıb ki, riskləri azaltmaq və insidentlərin qarşısını almaq üçün Moskva ilə kommunikasiya zəruridir.

O qeyd edib ki, Slovakiya Ukrayna və Rusiya arasında atəşkəsi və ya dayanıqlı sülhü yaxınlaşdıra biləcək istənilən təşəbbüsləri dəstəkləməyə hazırdır.

"Mən danışıqlara və dialoqa üstünlük verirəm", - o bildirib və əlavə edib ki, Ukrayna münaqişəsinin hərbi yolla həllinə inanmır.

Oxşar xəbərlər

Zelenski və Fitso qarşılıqlı səfərlər barədə razılığa gəlib

Fitso: Ukrayna Slovakiya vasitəsilə tranzit qaz alır

Fitso: Slovakiya Rusiyaya qarşı sanksiyaları bloklamayacaq

Fitso: Zelenski Ukraynanın NATO-ya üzvlüyünü dəstəkləmək üçün 500 milyon avro təklif edib

Slovakiyanın Baş naziri Avropa Komissiyası ilə qaz tranzitinə dair müzakirələr aparacaq