ABŞ və İran arasında memorandumun imzalanması 14 iyunda virtual olaraq baş tutacaq. Bu, atəşkəsin daha 60 gün uzadılmasını nəzərdə tutur.

"Sizinxeber.az" xəbər verir ki, bu barədə "Axios" portalı öz mənbələrinə istinadən məlumat yayıb.

Qeyd olunub ki, Pakistan və Qətər də virtual görüşə vasitəçi kimi qatılacaqlar.

Sənəddə Hörmüz boğazının açılması və Tehranın nüvə proqramı ilə bağlı danışıqların başlanması nəzərdə tutulur. Portal mənbələrinin qeyd etdiyi kimi, imzalanmanın virtual formatda keçirilməsi qərarı logistik səbəblərdən verilib.

Əsas amil ondan ibarət idi ki, əgər üzbəüz görüş olsaydı, Amerika danışıqlar qrupuna rəhbərlik edən ABŞ vitse-prezidenti Cey. Di. Vens prezident Donald Trampın bazar ertəsi səhər qatılmağı planlaşdırdığı G7 sammitinə getməzdən əvvəl vətənə qayıtmağa vaxtı olmazdı.

Bu arada "BFMTV" bildirib ki, ABŞ və İranın yüksək səviyyəli nümayəndələri gələn həftə İsveçrədə görüşə bilərlər. Qeyd olunub ki, Pakistanın xarici işlər naziri İshaq Dar görüşə hazırlaşmaq üçün tezliklə İsveçrəyə səfər etməyi planlaşdırır. Qarşıdan gələn danışıqların gündəliyi dəqiqləşdirilməyib.

Tramp əvvəllər sazişin 14 iyunda imzalanacağını bildirmişdi.

Bu arada, İran Xarici İşlər Nazirliyinin sözçüsü İsmayıl Bəqai ABŞ ilə münaqişənin həlli ilə bağlı memorandumun imzalanmasının 14 iyunda baş tutmayacağını bildirsə də, bunun yaxın günlərdə olma ehtimalını istisna etməyib.

Oxşar xəbərlər

Axios: ABŞ və İran iyunun 14-də virtual formatda memorandum imzalayacaq

"Axios": İranın yeni təklifi Hörmüz boğazının açılmasını nəzərdə tutur

ABŞ və İran nümayəndələri gələn həftə İsveçrədə görüşə bilər

"Axios": İran ABŞ-yə Hörmüz boğazının açılmasını nəzərdə tutan yeni təklif göndərib

İran XİN: ABŞ-la danışıqların altıncı raundu iyunun 15-də baş tutacaq