Azərbaycanda səhiyyənin inkişafı istiqamətində görülən işlər, səhiyyə xidmətlərinin keyfiyyətinin artırılması, tibbi xidmətlərin əlçatanlığının genişləndirilməsi və sistemin inkişaf prioritetləri müzakirə olunub.

"Sizinxeber.az" xəbər verir ki, bu barədə 17 İyun – Tibb İşçilərinin Peşə Bayramı Günü münasibətilə TƏBİB-in icraçı direktoru Anar Bayramovun TƏBİB kollektivi ilə görüşündə fikir mübadiləsi aparılıb.

Peşə bayramı münasibətilə səhiyyə işçilərini təbrik edən icraçı direktor bildirib ki, Ümummilli Lider Heydər Əliyevin təsis etdiyi bu əlamətdar gün artıq 25 ildir ki, səhiyyə işçilərinin əməyinə verilən yüksək dəyərin ifadəsidir. O, səhiyyə işçilərinə göstərdikləri xidmətə görə təşəkkür edib, onların vətəndaşların sağlamlığının qorunması istiqamətində həyata keçirdikləri fəaliyyətin xüsusi əhəmiyyət daşıdığını vurğulayıb.

Çıxış zamanı Prezident İlham Əliyevin və Birinci vitse-prezident Mehriban Əliyevanın səhiyyə sahəsinə göstərdikləri xüsusi diqqət və qayğının ölkədə səhiyyə sisteminin inkişafı, müasir tibb infrastrukturunun formalaşdırılması, tibbi xidmətlərin keyfiyyətinin yüksəldilməsi və insan kapitalının gücləndirilməsi baxımından mühüm əhəmiyyət daşıdığı qeyd olunub. Vurğulanıb ki, həyata keçirilən ardıcıl islahatlar və dövlət proqramları səhiyyə sisteminin inkişafına mühüm töhfə verib.

Görüş iştirakçıları arasında Prezident İlham Əliyevin sərəncamları ilə dövlət təltiflərinə layiq görülmüş tibb işçiləri də olub. A. Bayramov onları səhiyyə sahəsində xidmətlərinə görə dövlət təltiflərinə layiq görülmələri münasibətilə təbrik edib, gələcək fəaliyyətlərində uğurlar arzulayıb.

Tibb işçiləri göstərilən diqqətə görə təşəkkürlərini bildirərək, bundan sonra da ölkə vətəndaşlarına keyfiyyətli tibbi xidmət göstərilməsi istiqamətində səylərini davam etdirəcəklərini qeyd ediblər.

Oxşar xəbərlər

Səhiyyə Nazirliyinin aparatının işçilərinin say həddi artırılıb

Teletibb xidmətinin işçi qrupunun ilk iclası keçirilib

Səhiyyə naziri: Yüksəkixtisaslı kadrların hazırlanması daim prioritetdir

Teymur Musayev V "Yüksəliş müsabiqəsi"nin qalibi ilə görüşüb

Azərbaycan və BƏƏ arasında səhiyyə sahəsində əməkdaşlıq müzakirə olunub