Yeni Zelandiyanın Vellinqton hava limanında (Ronqotai hava limanı) yanğın baş verib.

"Sizinxeber.az" "Reuters" agentliyinə istinadən xəbər verir ki, bu barədə Yeni Zelandiyanın yanğınsöndürmə-xilasetmə xidmətinin nümayəndəsi məlumat verib.

Yanğın nəticəsində sərnişinlər təxliyə edilib, aviareyslərin istiqaməti müvəqqəti olaraq dəyişdirilib.

Məlumata görə, hadisə yerinə hava limanının yanğınsöndürmə heyətləri göndərilib.

O əlavə edib ki, hazırda yanğının səbəbi məlum deyil.

Vellinqton hava limanının məlumatında qeyd olunur ki, terminalın əsas binasında təxliyə həyata keçirilib. Zərərçəkənlər barədə məlumat daxil olmayıb.

"Vellinqtona reysler müvəqqəti olaraq başqa istiqamətlərə yönləndirilib. Sərnişinlərin öz reysləri haqqında məlumatı aviaşirkətlərdən dəqiqləşdirməsi tövsiyə olunur", - qeyd edilib.

Oxşar xəbərlər

Küveytdə hava limanında sərnişinlər bomba təhlükəsi ilə təxliyə edilib

Brüssel hava limanında sərnişinlər bomba təhlükəsi səbəbindən təxliyə edilib

Parisdə hava limanı yaxınlığında güclü yanğın baş verib

Hamburq aeroportunda reyslər ləğv edilib, polis genişmiqyaslı əməliyyat keçirir

Kazan hava limanında müvəqqəti məhdudiyyətlər tətbiq edilib