Ermənistanda keçirilən səsvermə zamanı saat 17:00-a olan məlumata görə, Daxili İşlər Nazirliyinə 57 qanun pozuntusu ilə bağlı siqnal daxil olub.

APA yerli mətbuata istinadən xəbər verir ki, müraciətlərdən 19-u təkrar səsvermə cəhdi, 15-i səsvermənin məxfiliyinin pozulması, 2-si seçki hüququnun həyata keçirilməsinə mane olunması ilə bağlı olub.

Bundan başqa, bir rüşvətvermə və bir silah gəzdirmə faktı da qeydə alınıb.

Qeyd olunub ki, araşdırmalar çərçivəsində 14 nəfər saxlanılıb. Hadisələrlə bağlı müvafiq yoxlamalar davam etdirilir.

***

15:13

Ermənistan Daxili İşlər Nazirliyi yerli özünüidarəetmə orqanlarına keçirilən seçkilər zamanı pozuntularla bağlı indiyədək 29 siqnalın daxil olduğunu açıqlayıb.

APA xəbər verir ki, nazirliyin məlumatına görə, saat 14:00-a olan vəziyyətə əsasən, daxil olan müraciətlər üzrə 6 nəfər saxlanılıb.

Bundan əlavə, seçki prosesində mümkün qanun pozuntuları ilə bağlı daha 121 müraciət hazırda araşdırılmaq üçün emal mərhələsindədir.

Oxşar xəbərlər

Ermənistanda seçki pozuntuları ilə bağlı 29 siqnal daxil olub, 6 nəfər saxlanılıb

Ermənistanda yerli özünüidarəetmə orqanlarına seçkilərdə pozuntular aşkarlanıb

Azərbaycanda parlament seçkilərində səsvermə başa çatıb

MSK: Saat 10:00-a qədər respublika üzrə seçici fəallığı 9.92 faiz olub

MSK: Saat 12:00-a qədər respublika üzrə seçici fəallığı 20.39 faiz olub - YENİLƏNİB