İspaniya Avropa İttifaqının Qərbi Balkan regionuna doğru genişlənməsini dəstəkləyir.

"Report"un Balkan bürosu xəbər verir ki, bunu Avropa İttifaqı-Qərbi Balkan ölkələri sammiti üçün Tivatda olan İspaniya Baş naziri Pedro Sançez jurnalistlərə açıqlamasında deyib.

O qeyd edib ki, İspaniyanın Avropa İttifaqına üzvlüyünün 40-cı ildönümünü qeyd edirlər:

"Buna görə də hesab edirəm ki, demokratiya, hüququn aliliyi, sosial bazar iqtisadiyyatı və digər sahələrlə bağlı daxili islahatlar yolu çox vacibdir. Bunlar bizim müqavilələrimizdə əks olunub".

Baş nazir vurğulayıb ki, Qərbi Balkan ölkələri olmadan Avropa İttifaqı tam deyil:

"Serbiya isə, əlbəttə ki, Qərbi Balkanların ən böyük ölkələrindən biridir və biz həm bu daxili islahatlar yolunda, həm də Avropa İttifaqının Qərbi Balkan regionuna, o cümlədən Serbiyaya doğru genişlənməsi prosesində dəstəyimizi davam etdirəcəyik".

Oxşar xəbərlər

Fon der Lyayen: Aİ-Qərbi Balkan sammiti Avropa tarixinin növbəti səhifəsinə həsr olunub

Qərbi Balkan ölkələri Aİ-yə üzvlük prosesinə siyasi sadiqliklərini təsdiqləyib

Andrey Plenkoviç: Qərbi Balkan ölkələrinin gələcəyi Aİ daxilindədir

Xorvatiyanın Baş naziri: Azərbaycan Avropanın enerji təhlükəsizliyində böyük rol oynayır

Antonio Koşta: Ukrayna və Moldovanın gələcəklərinin Avropa İttifaqında olacağına şübhə yoxdur