Konqo Demokratik Respublikasında ebola virusuna 282 yoluxma halı təsdiqlənib.

"Sizinxeber.az"un məlumatına görə, bu barədə rəqəmləri Konqonun Səhiyyə Nazirliyi təqdim edib.

Məlumata əsasən, epidemiya əvvəlki kimi, əsasən, İturi əyalətini əhatə edir ki, burada ölkə üzrə təsdiqlənmiş 282 haldan 264-ü qeydə alınıb. Şimali Kivu əyalətində 15 yoluxma halı aşkarlanıb, daha üç hal isə Cənubi Kivu əyalətində müəyyən edilib.

Ümumilikdə virusdan 42 nəfər dünyasını dəyişib, 238 pasiyentin müalicəsi davam edir, həmçinin iki tam sağalma halı qeydə alınıb.

Konqo rəhbərliyi mayın 15-də rəsmi olaraq ebola qızdırması epidemiyasının başladığını elan edib. Xəstəliyə səbəb ilk dəfə 2007-ci ildə Uqanda ərazisində müəyyən edilmiş "Bundibugyo" ştamıdır.

Oxşar xəbərlər

Uqandada Ebola virusuna yoluxanların sayı beşə çatıb

Konqodakı amerikalılar Ebola xəstələri ilə təmasda şübhəli bilinirlər

Braziliyada Ebola virusuna şübhəli yoluxma halı araşdırılır

Konqoda Ebola epidemiyasının yeni dalğası qeydə alınıb

Konqo və Uqandada ebola virusunun nadir ştamından 43 nəfər ölüb