ABŞ və İran arasındakı saziş böyük ölçüdə Tehranın nüvə proqramına həsr olunub.

"Sizinxeber.az"un məlumatına görə, bu barədə ABŞ lideri Donald Tramp "Truth Social" sosial şəbəkəsində yazıb.

O, CNN telekanalının üzərində işlənilən sənədin İranın nüvə proqramına toxunmadığı barədə xəbərlərini təkzib edib.

"CNN-in saxta xəbərlərində iddia olunub ki, mənim İranla nüvə sazişimdə nüvə silahı barədə heç bir qeyd yoxdur, halbuki reallıqda orada İranın nüvə silahına sahib olmayacağı çox aydın şəkildə qeyd edilib... Əslində, sazişin böyük hissəsi elə məhz bundan bəhs edir", - Tramp vurğulayıb.

Ötən gün "Fox News" telekanalına verdiyi müsahibədə Ağ Ev rəhbəri Vaşinqton və Tehran arasındakı danışıqların yavaş templərlə irəlilədiyini bildirib. ABŞ lideri həmçinin qeyd edib ki, tərəflər razılığa gələ bilməsələr, ABŞ İrana qarşı hərbi əməliyyatları bərpa etməyə hazırdır.

Xatırladaq ki, fevralın 28-də ABŞ və İsrail İrana qarşı hərbi əməliyyatlara başlayıb və bir sıra şəhərlərə hava zərbələri endirilib. Həmin gün zərbələr nəticəsində İranın Ali rəhbəri Əli Xamenei öldürülüb. İran buna cavab olaraq İsrail ərazisinə və Fars körfəzi ölkələrindəki ABŞ hərbi bazalarına hücum edib.

İran, ABŞ və onların müttəfiqləri aprelin 8-ə keçən gecə atəşkəs razılaşmasına nail olublar. Tramp sonradan atəşkəsi qeyri-müəyyən müddətə uzadıb.

Tərəflər münaqişəni həll etmək üçün Pakistanda danışıqlar aparıblar, lakin 11-12 apreldə keçirilən ilk raund heç bir nəticə verməyib.

ABŞ Tehrana təzyiq göstərmək üçün İran limanlarını və Hörmüz boğazından keçidi blokadaya alıb. İran da öz növbəsində Fars körfəzinə gedən gəmilər üçün Hörmüz boğazının bağlandığını elan edib. Regionda dinamik şəkildə dəyişən vəziyyət qlobal enerji böhranına səbəb olub.

Oxşar xəbərlər

Britaniya nüvə proqramına görə İrana qarşı sanksiyaları genişləndirməyə hazırdır

ABŞ Prezidenti: İranın nüvə silahı olmayacaq

ABŞ prezidenti İranın nüvə probleminin diplomatik yolla həllini axtarır

Tramp: İranın nüvə enerjisinə ehtiyacı yoxdur

Tramp: İranın nüvə silahı varsa, heç bir sülh ola bilməz