Nigeriyada mayda vəbaya 3 000 yoluxma qeydə alınıb, bunlardan 37-si ölümcül olub.

"Sizinxeber.az"un "Vanguard"a istinadən məlumatına görə, bu barədə Nigeriyanın Səhiyyə Nazirliyi xəbər verib.

"Borno ştatında yayılan dağıdıcı vəba epidemiyası səbəbindən ölkə ciddi səhiyyə böhranı ilə üzləşir. May ayı ərzində ştatın 36 dairəsində 3 000-dən çox yoluxma və 37 faciəli ölüm hadisəsi qeydə alınıb", - məlumatda bildirilir.

Qeyd edilir ki, ən çox yoluxma ştatın paytaxtı Mayduquridə - 2 000-dən çox qeydə alınıb, siyahıda ikinci yerdə 1 000-dən çox yoluxma halı ilə Jere qərarlaşıb.

Borno ştatının Tibbi Sığorta Sxemi İdarəetmə Agentliyinin (BOSCHMA) icraçı katibi Saleh Abba Kazanın sözlərinə görə, kran suyunun və su anbarlarının təmizlənməsi, tullantıların düzgün utilizasiyası da daxil olmaqla, antisanitariya ilə mübarizə tədbirlərini gücləndirmək vacibdir. "1 %-lik həyəcanverici ölüm nisbəti ilə mövcud vəziyyət tibbi infrastrukturumuzu alt-üst edib və bu xəstəliyin yayılmasına qarşı mübarizə aparmaq üçün təcili kollektiv tədbirlər görülməlidir", - Kaza bildirib.

Oxşar xəbərlər

ÜST: Sudanda vəba epidemiyası 120 nəfərin həyatına son qoyub

İlin əvvəlindən Anqolada azı 3 min insan vəbaya yoluxub

Nigeriyada meymunçiçəyi virusuna 39 yoluxma halı qeydə alınıb

Ötən ay dünyada 50 minə yaxın insan vəbaya yoluxub

Ötən ay dünyada 47 mindən artıq insan vəbaya yoluxub