İyulun sonundan bu günə kimi Sudanda epidemiya səbəbindən 2 700 nəfərə yaxın insan vəbaya yoluxub, 120 nəfər ölüb.

"Sizinxeber.az"un məlumatına görə, bu barədə Ümumdünya Səhiyyə Təşkilatı (ÜST) xəbər yayıb.

"Kassala və digər əyalətlərdə yeni vəba epidemiyası 2024-cü ilin iyul ayının sonundan etibarən sürətlə genişlənib, avqustun sonunda yoluxma hallarının və ölümlərin sayı müvafiq olaraq, 2 700 və 120 təşkil etdi", - təşkilatın xəbər bülletenində bildirilir.

Ən çox yoluxma və ölüm halları ilə beş vilayətdə (Kassala, Xartum, Əl-Gezira, Qedaref və Nil) qeydə alınıb.

ÜST xatırladıb ki, Afrika ölkəsində əvvəlki vəba epidemiyası 2023-cü ilin iyununda başlayıb. 12 iyul 2024-cü il tarixinə olan məlumata görə, 12 əyalətdə 11 241 yoluxma halı qeydə alınıb, 309 insan ölüb.

Oxşar xəbərlər

Sudanda daşqınlar nəticəsində 140-a yaxın insan ölüb

Sudanda daşqınlar 140 nəfərin həyatına son qoyub

Konqoda bu il 15 mindən çox insan meymunçiçəyinə yoluxub

Dünyada meymunçiçəyinə 98 minə yaxın yoluxma qeydə alınıb

Afrikada həftə ərzində meymunçiçəyinə minlərlə insan yoluxub