ABŞ-nin Müharibə Nazirliyi İrana qarşı müharibə zamanı Amerikanın Yaxın Şərqdə zərər çəkmiş bir sıra bazalarından qoşunların çıxarılma ehtimalını nəzərdən keçirir.

"Sizinxeber.az"un məlumatına görə, bu barədə nazirliyin rəhbəri Pit Heqset Sinqapurdakı ABŞ səfirliyində jurnalistlərə bildirib.

"Bu qərar ABŞ prezidenti Donald Tramp tərəfindən onun hansı istiqamətə hərəkət etmək istəyinə əsasən veriləcək. Biz regiondakı tərəfdaşlığımızla əlaqələri yaxşı qiymətəndiririk. Bu qərarlar nəticəyə əsasən veriləcək", - Heqset bölgədəki bəzi bazaların bərpasından imtina etmək və qoşunların oradan çıxarılması ehtimalını şərh edərkən aydınlaşdırıb.

Pentaqon rəhbəri qeyd edib ki, ABŞ qoşunları hazırda mövqe tutur və İran münaqişənin nizamlanması üzrə sazişi rədd edərsə, hərbi əməliyyatlara yenidən başlamağa hazırdır. Bununla belə, o, Tehranın ABŞ ilə danışıqlar zamanı nüvə ambisiyalarından imtina edəcəyinə əminliyini bildirib.

"Prezident gələcəkdə bu qərarları hadisələrin necə cərəyan edəcəyinə əsasən verməli olacaq, amma əminəm ki, Amerika xalqının maraqlarına uyğun bir razılığa gələcəyik", - Heqset vurğulayıb.

Oxşar xəbərlər

Pentaqon rəhbəri: Tramp hələ də İranla razılığa gəlməyi düşünür

Pentaqon Yaxın Şərqdə qoşunların artırılması imkanını nəzərdən keçirir

Heqset: ABŞ ordusu İrana qarşı döyüş əməliyyatlarının bərpasına hazırdır

Tramp İranla müharibə ehtimalını istisna etməyib

Pentaqon rəhbəri Meksika kartellərinə qarşı güc tətbiqinin mümkünlüyünü istisna etməyib