Münxen beynəlxalq hava limanı səmada pilotsuz uçuş aparatı olduğu ehtimal edilən naməlum obyektin görünməsi səbəbindən bağlanıb.

"Report"un məlumatına görə, bu barədə "Bild" nəşri Federal Polis nümayəndəsi Ştefan Bayer bildirib.

"Səhər saat 9 radələrində pilotlar şübhəli obyekt müşahidə ediblər", - o qeyd edib.

Hər iki uçuş-eniş zolağında hərəkət dayandırılıb, polis genişmiqyaslı əməliyyat keçirir. Polis əməkdaşları PUA ilə bağlı əlavə dəlillərin olub-olmadığını yoxlayırlar. Əməliyyata helikopter də cəlb edilib.

Təhlükəsizlik məqsədilə uçuşlar müvəqqəti dayandırılıb və nə zaman bərpa olunacağı məlum deyil.

Oxşar xəbərlər

Litva aeroportunda uçuşlar müvəqqəti dayandırılıb

PUA səbəbindən Helsinki aeroportunun fəaliyyəti dayandırılıb

Qazaxıstanın qərbinə PUA olduğu ehtimal edilən obyekt düşüb

Rusiyada 13 hava limanının işi PUA hücumu səbəbindən dayandırılıb

Dubay aeroportu dron səbəbindən uçuşları dayandırıb