Moldova 2027-ci il aprelin 8-də Müstəqil Dövlətlər Birliyindən (MDB) rəsmi olaraq çıxacaq.

"Report" Moldova mediasına istinadən xəbər verir ki, bunu ölkənin xarici işlər naziri Mixay Popşoy bildirib.

Qərar təşkilatın Minskdəki katibliyinə 2026-cı il aprelin 8-də göndərilmiş rəsmi bildirişdən 12 ay keçdikdən sonra qüvvəyə minəcək.

"Müvafiq sazişlərin denonsasiyası elan edildikdən və aprelin 8-də rəsmi qəzetdə dərc olunduqdan sonra Minskdəki katibliyə bildiriş göndərildi və biz bildirişimizin alındığına dair təsdiq aldıq", - Popşoy deyib.

O vurğulayıb ki, formal baxımdan, beynəlxalq hüquqa uyğun olaraq, Moldova bildirişdən bir il sonra MDB-nin üzvü olmağı dayandıracaq. Bununla belə, onun sözlərinə görə, praktikada Kişinyovun təşkilatla münasibətləri artıq bir neçə ildir ki, faktiki olaraq yoxdur.

Daha əvvəl MDB-nin yaradılması haqqında sazişin, eləcə də müşayiətedici sənədlərin denonsasiyası barədə qərarlar Moldova Prezidenti Maya Sandu tərəfindən imzalanıb və aprelin 8-də rəsmi qəzetdə dərc edilib.

Oxşar xəbərlər

Moldova NATO ilə Fərdi Tərəfdaşlıq Proqramını təsdiqləyib

Moldova Prezidenti energetika nazirini vəzifəsindən azad edib

Azərbaycanla Moldova arasında ikitərəfli münasibətlər müzakirə olunub

Moldova XİN Rusiya səfirliyinin üç əməkdaşını arzu olunmaz şəxs elan edib

ATƏT-in fəaliyyətdə olan sədri Moldovaya səfər edəcək