BMT-nin Azərbaycandakı rezident əlaqələndiricisinin səlahiyyətlərini müvəqqəti icra edən İqor Qarafuliçin ölkədəki missiyası başa çatıb.

APA BMT-nin Azərbaycandakı Nümayəndəliyinə istinadən xəbər verir ki, İqor Qarafuliç iyunun 1-dən BMT-nin Braziliyadakı rezident əlaqələndiricisi vəzifəsinə başlayacaq.

2026-cı ilin may ayında diplomatların Qarabağ və Şərqi Zəngəzura səfəri zamanı İqor Qarafuliç bu cür səfərlərin Azərbaycanın yenidənqurma prosesi, tarixi və davamlı sülh gündəliyi ilə yaxından tanış olmaq baxımından mühüm əhəmiyyət daşıdığını vurğulayıb.

İqor Qarafuliçin fəaliyyətində diqqət çəkən istiqamətlərdən biri də Azərbaycanın ev sahibliyi etdiyi Ümumdünya Şəhərsalma Forumunun (WUF13) 13-cü sessiyasına hazırlıq prosesinə verdiyi dəstək olub. Bu çərçivədə o, BMT Baş katibinin müavini Əminə Məhəmməd, UN-Habitatın icraçı direktoru Anaklaudia Rossbax və digər yüksək səviyyəli nümayəndələrin Azərbaycana səfərini müşayiət edib. Missiya ölkənin BMT-nin davamlı şəhərləşmə üzrə flaqman qlobal tədbirlərindən birinə ev sahibliyi etmək üçün Azərbaycanın yüksək səviyyədə hazırlıqlarını vurğulayıb və dayanıqlı inkişaf və şəhər transformasiyası sahəsində əməkdaşlığı gücləndirmək üçün fürsət yaradıb.

İqor Qarafuliç Azərbaycan hökumətinə, tərəfdaş qurumlara və BMT-nin ölkədəki komandasına göstərilən dəstəyə görə təşəkkürünü bildirib.

Qeyd edək ki, hazırda BMT-nin Türkmənistanda missiya rəhbəri olan Dmitri Şlapaçenko BMT-nin Azərbaycandakı yeni rezident əlaqələndiricisi təyin edilib.

Oxşar xəbərlər

BMT-nin rezident əlaqələndiricisi: Qarabağda aparılan bərpa işləri ləyaqətli qayıdışın nümunəsidir

İqor Qarafuliç: BMT Azərbaycan hökümətinə dəstək göstərməyə hazırdır

İqor Qarafuliç: "WUF13 istiqamətində hazırlıqlar işləri yüksək səviyyədədir"

BMT: Azərbaycan WUF13-də dialoq üçün məkan yaratmaqla dünyaya nümunə olur

BMT-nin Rezident Əlaqələndiricisi: Azərbaycanda COP29-a hazırlıqlar çox yaxşı gedir