Paytaxtın Nərimanov rayonunda piyadaların sərbəst və təhlükəsiz hərəkətini məhdudlaşdıran obyekt sakinlərin narazılığına səbəb olub. Belə ki, Xan Şuşinski küçəsi ilə Həsən Əliyev küçəsinin kəsişməsində yerləşən obyekt səkinin üzərində inşa edilib.

Sizinxeber.Az xəbər verir ki, bu barədə Baku TV-nin videomaterialında bildirilib.

Məsələ ilə bağlı şikayətini bildirən vətəndaşın sözlərinə görə, tikili hətta işıqforun da qarşısını kəsib.

Məsələnin hüquqi tərəflərini şərh edən hüquqşünas Vüsal Cəfərov bildirib ki, tikinti işləri aparılmaqla səkilərin zəbt olunması Şəhərsalma və Tikinti Məcəlləsinə əsasən, müfəssəl planın pozulması deməkdir.

Hüquqşünasın sözlərinə görə, İnzibati Xətalar Məcəlləsinin 394-cü maddəsinə əsasən, belə bir əməli törətmiş fiziki şəxslər 300 manatdan 500 manata qədər, vəzifəli şəxslər 1 500 manatdan 2 500 manata qədər, hüquqi şəxslər isə 15 min manatdan 25 min manata qədər cərimə oluna bilərlər.

Nərimanov Rayon Mənzil-Kommunal Təsərrüfatı Birliyindən isə qeyd olunub ki, sözügedən tikili uzun illər öncə inşa edilib: "Həmin obyektin sökülməsi yalnız məhkəmənin müvafiq qərarı əsasında həyata keçirilə bilər".

Oxşar xəbərlər

"Möcüzəli Naftalan" və "Sehirli Naftalan" sanatoriyalarında YOXLAMA: Rəhbərlik cərimə edilə bilər

MM 60 Vt və yuxarı gücə malik olan közərmə lampaların idxalı, istehsalı və satışı haqda qadağanı I oxunuşda qəbul edib

Azərbaycanda azı 25 Vt gücə malik olan elektrik közərmə lampaları ilə bağlı cərimələr müəyyənləşir

Media Reyestrində olmayan çap mediası subyektlərinin 5 min manatadək cərimələnməsi I oxunuşda qəbul edilib

Kosmik fəaliyyət haqqında qanunvericiliyin pozulmasına görə cərimələr ilk oxunuşda təsdiqlənib