Hindistanın dini rəhbəri Svami Yotirmaya bütün dini icmaları birləşərək planeti qorumağa çağırıb.

"Report" xəbər verir ki, o, bu təklifi Bakıda keçirilən Dini Liderlərin Qlobal Sammitində təşkil olunmuş "Dünya Dinləri Yaşıl Planet uğrunda" mövzusunda plenar iclasda səsləndirib.

Onun sözlərinə görə, dayanıqlı gələcək qurmaq naminə həll yollarının tapılması mümkündür:

"Gələcəkdə mədəniyyət və iqtisadiyyat cəhətdən çoxşaxəli əlaqələrin qurulması vacibdir. Ona görə də dini konfessiyaların birliyi də vacibdir. Bu zaman elmi dataların, informasiyaların mübadiləsi vacibdir".

S.Yotirmaya bildirib ki, qeyri-hökumət təşkilatlarının iqlim dəyişikliyi və onun fəsadları, ətraf mühitin qorunması ilə bağlı addımlarda aktivliyi önəmlidir:

"Təbiəti qorumaq individual öhdəliyimizdir. Hər kəs iqlimlə bağlı təşəbbüslərə sahib olmalıdır. Bütün dini icmalara müraciət edirəm: Gəlin birləşək, təbiətimizi, ətraf mühitimizi, planetimizi qoruyaq!"

Oxşar xəbərlər

Şamil Ayrım: Dini liderlərin toplantıları iqlim böhranına diqqət çəkmək üçün mühüm rol oynaya bilər

BMT-nin Baş katibi dini liderləri iqlim dəyişikliyi ilə mübarizə tədbirlərini təşviq etməyə çağırıb

Allahşükür Paşazadə Dini liderlərin daimi fəaliyyətdə olan Məşvərət Şurasının yaradılmasını təklif edib

BMT Baş katibi: Dini liderlərin fəaliyyəti iqlim ədalətinin əldə edilməsi üçün vacibdir

Misirin Baş müftisi Dini Liderlərin Bakı sammitində iştirak edəcək