Rusiyalı jurnalistlərin Zəngəzur dəhlizi ilə bağlı açıqlamalarına Ermənistanın reaksiyası təəccüb doğurur.

“Sizinxeber.az” xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.

"Biz həmişə İrəvandan eşidirdik ki, Ermənistan söz azadlığına sadiqdir, ona görə də İrəvanın reaksiyası təəccüb doğurur. Rusiyanın rəsmi mövqeyi İrəvana məlumdur: Rusiya ardıcıl olaraq üçtərəfli razılaşmalar əsasında bütün nəqliyyat və iqtisadi əlaqələrin açılmasından danışır. Bu mövqe son dərəcə aydın şəkildə ifadə olunub", - o bildirib.

M.Zaxarova qeyd edib ki, Qərbin destruktiv təsiri səbəbindən erməni tərəfinin üçtərəfli işçi qrupu çərçivəsində iş tempi azalıb: "Əminik ki, qrup çərçivəsində tam şəkildə qarşılıqlı fəaliyyət təkcə Cənubi Qafqaz regionunda nəqliyyat-kommunikasiya sisteminin bərpasına deyil, həm də bütün regionun sosial-iqtisadi inkişafını təmin edəcək".

XİN nümayəndəsi vurğulayıb ki, Rusiya bu məsələnin həllində Azərbaycan və Ermənistana kömək etməyə hazırdır.

Oxşar xəbərlər

Zaxarova: Rusiya Cənubi Qafqazda nəqliyyat kommunikasiyalarının açılmasını tam dəstəkləyir

Rusiya XİN sözçüsü: Nəqliyyat kommunikasiyalarının açılması regionun maraqlarına cavab verməlidir

Zaxarova: Rusiya Cənubi Qafqaz regionunda tezliklə sülhün bərqərar olmasında maraqlıdır

Rusiya XİN: Bakı və İrəvanı qane edəcək həll yolu tapmağa çalışırıq

Zaxarova: Qərbin destruktiv siyasəti nüvə təhlükəsi səviyyəsini ciddi şəkildə artırıb