Avropa İttifaqı (Aİ) Türkiyə ilə bağlı Yunanıstana xəbərdarlıq edib.

"Sizinxeber.az" xəbər verir ki, bu barədə "TRT Haber" məlumat yayıb.

Bildirilib ki, xəbərdarlığı Avropa diplomatiyasının rəhbəri Kaya Kallas Yunanıstanın aparıcı qəzetlərindən olan "Ta Nea"ya müsahibə zamanı səsləndirib.

O, Aİ-nin 150 milyard avroluq müdafiə proqramı SAFE-ə Türkiyənin qoşulmasına mane olmağa çalışan Afinaya bildirib ki, ittifaq Ankaraya əməkdaşlıq təklif edir:

"Müdafiə sahəsində, Türkiyənin SAFE-ə qatılmaması səbəbindən, mövcud üzv dövlətlər Türkiyə ilə daha yaxın əməkdaşlıq etmək üçün səy göstərir, çünki əksəriyyəti NATO-da yer alır və Türkiyə alyansda mühüm rol oynayır".

Kallas qəzetin əməkdaşının Türkiyənin iki Aİ ölkəsini təhdid etməsi ilə bağlı təxribatçı sualına isə, Avropanın xüsusilə müdafiə sahəsində Ankara ilə əməkdaşlığa ehtiyac duyduğunu təkrarlayıb: "Türkiyənin Avropanın təhlükəsizlik arxitekturasındakı əhəmiyyətli yeri var".

Oxşar xəbərlər

Kanada Aİ-nin SAFE müdafiə proqramında ilk qeyri-Avropa ölkəsi olub

Yaşar Gülər: Aİ-nin üzv olmayan NATO müttəfiqlərini kənarda qoyan yanaşmadan imtinasına ümid edirik

NATO-nun Baş katibi: Türkiyənin müdafiə sənayesinin təməli çox güclüdür

AK və Fransa SAFE çərçivəsində 15 milyard avro kredit ayrılmasına dair saziş imzalayıb

Kaya Kallas: Aİ və Avstraliya birgə hərbi təlimlər keçirməyi planlaşdırır