Gürcüstanın Baş naziri İrakli Kobaxidze BMT konfransı çərçivəsində Ermənistan Respublikasının Prezidenti Vaaqn Xaçaturyanla görüşüb.

"Report"un Gürcüstan bürosu xəbər verir ki, məlumatı Gürcüstan Hökumət Administrasiyası yayıb.

Məlumata görə, görüşdə iki ölkə arasında mehriban qonşuluq münasibətləri, strateji tərəfdaşlıq, müxtəlif sahələrdə mövcud əməkdaşlıq və Cənubi Qafqaz regionunda baş verən proseslər müzakirə olunub.

Tərəflər regionda sülh və sabitliyin təmin edilməsinin xüsusi əhəmiyyətini vurğulayıblar.

İrakli Kobaxidze Ermənistan və Azərbaycan arasında sülh sazişi üzrə danışıqların başa çatmasına dair birgə bəyanatın bölgədə sabitlik baxımından mühüm addım olduğunu qeyd edib. O, Gürcüstan hökumətinin dialoqu təşviq etməyə və regionda davamlı sülhün bərqərar olunmasına töhfə verməyə hazır olduğunu bir daha bəyan edib.

Görüşdə Gürcüstanın İqtisadiyyat və Davamlı İnkişaf naziri Mariam Kvrivişvili və Hökumət Administrasiyasının rəhbəri Levan Jorjoliani də iştirak ediblər.

Oxşar xəbərlər

Gürcüstanın Baş naziri Nikol Paşinyanla görüşüb, regionda sülh prosesini müzakirə edib

İrakli Kobaxidze ATƏT-in baş katibi ilə regional vəziyyəti müzakirə edib

Ceyhun Bayramov Gürcüstanın Baş naziri ilə görüşüb

Kobaxidzenin erməni nazirlə görüşündə Ermənistan-Azərbaycan sülh sazişi üzrə danışıqlar müsbət qiymətləndirilib

İrakli Kobaxidze: Tbilisi İrəvanla Bakı arasında sülh prosesini alqışlayır