Türkiyənin İstanbul şəhərində meşə yanğınları səbəbindən fişəng və digər tez alışan pirotexniki vasitələrin satışı və istifadəsi qadağan edilib.

"Sizinxeber.az" "TRT Haber"ə istinadən xəbər verir ki, bu barədə İstanbul valiliyi məlumat yayıb.

Bildirilib ki, qadağa üç ay müddətinə qüvvədə olacaq.

"Meşə yanğınları ilə mübarizə tədbirləri çərçivəsində meşəlik ərazilərə girişlər iyunun 23-dən oktyabrın 15-dək qadağan edilmişdi. Bu tədbirə əlavə olaraq, İstanbul ərazisində fişəng, siqnal fişəngi, məşəl və digər partlayıcı-yanıcı maddələrin satışı və istifadəsi 2025-ci il iyulun 29-dan oktyabrın 28-dək qadağan olunub", - məlumatda vurğulanıb.

Eyni zamanda qeyd olunub ki, qadağaya əməl etməyən müəssisə və şəxslər barəsində hüquqi tədbirlər görüləcək.

Oxşar xəbərlər

İstanbul ətrafında meşə yanğınlarını 700 canlı qüvvə və 7 təyyarə söndürür

Mingəçevirdə pirotexniki vasitələrin gizli satışı ilə məşğul olanlar məsuliyyətə cəlb edilib

Rusiyanın regionunda meşə yanğınları səbəbindən fövqəladə vəziyyət rejimi elan edilib

Oğuzda pirotexniki vasitələrin səyyar satışı ilə məşğul olan şəxs saxlanılıb

Pirotexniki vasitələrin satışı ilə bağlı 17 nəfər saxlanılıb