Avropa Komissiyasının sədri Ursula fon der Lyayen ilk dəfə açıq şəkildə bəyan edib ki, Avropa İttifaqının hərbi-sənaye kompleksi Avropa Komissiyasının nəzarətində olmalıdır.

APA xəbər verir ki, o, bu barədə Aİ sammitinin yekunlarına dair mətbuat konfransında danışıb.

Fon der Lyayen Avropa İttifaqının təzyiq alətləri barədə danışarkən bildirib ki, “enerji, dondurulmuş aktivlər, sanksiyalar, hərbi sənaye və digər təzyiq vasitələri Avropa Komissiyasının əlində qalacaq”.

Bununla belə, Aİ-nin təsis müqavilələrinə əsasən, hərbi və hərbi-sənaye siyasəti hələ də üzv dövlətlərin milli hökumətlərinin müstəsna səlahiyyətlərinə daxildir.

Fon der Lyayenin bu bəyanatı Avropa Komissiyasının müdafiə və hərbi sənaye sahəsində səlahiyyətlərinin genişləndirilməsi ilə bağlı müzakirələrin fonunda səslənib.

Oxşar xəbərlər

ABŞ-nin Ukrayna üzrə xüsusi nümayəndəsi Ursula fon der Lyayen ilə görüşəcək

AK Avropa Rəqabətlilik Fondunun yaradılmasını planlaşdırır

Ursula fon der Lyayen: Avropa İttifaqı öz təhlükəsizliyinə investisiyaları artırmalıdır

Ursula fon der Lyayen: Avropa Ukraynanın yanında lazım olduğu qədər qalacaq

Ursula fon der Lyayen: Avropa Komissiyası Aİ-nin müdafiəsinin gücləndirilməsi strategiyasını təqdim edəcək