İstanbulun Silivri qəsəbəsində meşə yanğınını təxminən 700 canlı qüvvə və 7 təyyarə söndürür, 50 evin sakinləri təxliyə edilib.

"Report"un məlumatına görə, bu barədə yerli NTV telekanalı xəbər verir.

Məlumatda qeyd olunur ki, yanğının söndürülməsində 7 təyyarə, 3 helikopter, 56 yanğınsöndürən maşın və 691 nəfər iştirak edir.

Məlumata əsasən, İzmir vilayətində meşə yanğınları səbəbindən bir neçə yaşayış məntəqəsinin sakinləri təxliyə edilib, bölgədəki hava limanları və kurort zonası olan Çeşməyə gedən əsas magistral yollardan biri bağlanıb.

Hadisə nəticəsində bir meşə təsərrüfatı işçisi və bir mülki şəxs həlak olub.

Həmçinin, Krit adasının cənub-şərq sahilinin ən azı 3 rayonunda meşələr yanır, yerli sakinlər təxliyə edilir.

Bundan əvvəl Türkiyənin kənd təsərrüfatı və meşə naziri İbrahim Yumaklı bildirib ki, ölkə ərazisində mübarizə aparılan 9 böyük təbii yanğından 6-sı nəzarət altına alınıb.

İyunun 30-da məlum olub ki, Türkiyədə genişmiqyaslı meşə yanğınları səbəbindən 50 mindən çox sakin təxliyə edilib. .

Oxşar xəbərlər

Türkiyədə bütün meşə yanğınları nəzarət altına alınıb

İzmirdə meşə yanğını yaşayış evlərinə çatıb, sakinlər təxliyə olunur

Türkiyədə meşə yanğınları ilə bağlı 6 nəfər saxlanılıb, daha 3-ü axtarışa verilib

İzmirin iki bölgəsində meşə yanır, əraziyə dörd təyyarə və səkkiz helikopter cəlb olunub

Türkiyədə meşə yanır, helikopter və təyyarələr cəlb olunub