Gürcüstan Daxili İşlər Nazirliyinin (DİN) Miqrasiya Departamenti tərəfindən ölkə ərazisində qeyri-qanuni miqrasiyaya qarşı həyata keçirilən kompleks tədbirlər nəticəsində 34 əcnəbi vətəndaş ölkədən deportasiya edilib.

"Report"un Gürcüstan bürosu xəbər verir ki, bu barədə DİN məlumat yayıb.

Nazirlikdən verilən məlumata görə, deportasiya olunan şəxslər Hindistan, Türkiyə, Türkmənistan, Çin, Misir, İraq, Rusiya, İran, İordaniya, Pakistan, Azərbaycan, Nigeriya və Mərakeş vətəndaşlarıdır.

Onların Gürcüstanda qanuni əsaslar olmadan yaşadığı müəyyən edildikdən sonra ölkədən çıxarılması təmin olunub. Qanunvericiliyə əsasən, həmin şəxslərin Gürcüstana yenidən daxil olması da qadağan edilib.

Qeyd olunur ki, Miqrasiya Departamenti ölkə daxilində qeyri-qanuni miqrasiya hallarının qarşısının alınması və bu sahədə nəzarət tədbirlərinin gücləndirilməsi istiqamətində fəaliyyətini davam etdirir.

Oxşar xəbərlər

Gürcüstandan 96 əcnəbi deportasiya edilib, azərbaycanlı da var

Gürcüstanda 15 xarici vətəndaş deportasiya edilib

Mart ayında Gürcüstandan aralarında Azərbaycan vətəndaşlarının da olduğu 97 əcnəbi deportasiya edilib

Ötən ay Gürcüstandan 42 əcnəbi deportasiya edilib