Gürcüstan Daxili İşlər Nazirliyinin Miqrasiya İdarəsi tərəfindən 2025-ci ilin aprel ayında 96 əcnəbi vətəndaş ölkədən deportasiya olunub. Bu barədə qurumun yaydığı rəsmi məlumatda bildirilir.

Məlumata görə, Miqrasiya İdarəsi nazirliyin digər struktur bölmələri ilə birgə ölkə daxilində qeyri-qanuni miqrasiyaya qarşı mübarizəni davam etdirir. Həyata keçirilən tədbirlər nəticəsində ölkədə qanunsuz yaşayan əcnəbilərdən bir qismi Gürcüstanı könüllü şəkildə tərk edib, digərləri isə məcburi qaydada çıxarılıb.

Deportasiya olunan şəxslərin bir müddət ölkəyə daxil olması da qanunla qadağan edilib.

Gürcüstandan çıxarılan əcnəbilər arasında Çin, Banqladeş, Hindistan, İordaniya, Rusiya, Türkiyə, İran, İsrail, Tacikistan, Nigeriya, Nepal, Pakistan, Türkmənistan, Misir, Koreya, Filippin, Şri-Lanka, Livan, Səudiyyə Ərəbistanı, Slovakiya, Qazaxıstan və Azərbaycan vətəndaşları da var.

Qeyd edək ki, Gürcüstan DİN-in Miqrasiya Departamenti ölkə ərazisində qanunsuz yaşayan əcnəbi vətəndaşların müəyyən olunması və onların ölkədən çıxarılması ilə bağlı səlahiyyətə malikdir.

MƏLUMAT YENİLƏNİR

Oxşar xəbərlər

Mart ayında Gürcüstandan aralarında Azərbaycan vətəndaşlarının da olduğu 97 əcnəbi deportasiya edilib

Ötən ay Gürcüstandan 42 əcnəbi deportasiya edilib

Ötən ay Gürcüstandan Azərbaycan vətəndaşı da daxil olmaqla 33 əcnəbi çıxarılıb

Tiflisdə etiraz aksiyalarında iştirak edən 25 əcnəbi Gürcüstandan deportasiya edilib

Gürcüstan DİN: Qeyri-qanuni miqrantların deportasiyası halları xeyli artıb