Ermənistan hökuməti Avropa Birliyinə (AB) üzvlüklə bağlı qanun qəbul edərək Rusiya ilə münasibətləri kəsməyə doğru gedir.

Axar.az Publika.az-a istinadən xəbər verir ki, bunu Rusiya Dövlət Dumasının MDB işləri üzrə komitə sədrinin birinci müavini Konstantin Zatulin bildirib.

Zatulinin fikrincə, bu qərar Ermənistan cəmiyyətində AB-ni "işıqlı gələcək" kimi formalaşdırmağa yönəlib. O qeyd edib ki, ölkəni dəstəkləyən Avrasiya İqtisadi İttifaqı ilə əlaqələr isə tədricən keçmişdə qalır.

Parlamentari vurğulayıb ki, Avropa Birliyindən rəsmi dəvət olmamasına baxmayaraq, Ermənistan hökuməti ötən il üzvlük prosesinə başlamaq barədə qanun qəbul edib.

Deputatın sözlərinə görə, bu addım cəmiyyətdə Avropa Birliyinin Ermənistan üçün arzuolunan və perspektivli istiqamət olduğu barədə təsəvvür yaradır. Eyni zamanda, o, ölkənin mövcudluğunu və inkişafını təmin edən Rusiya və Avrasiya İttifaqı ilə əlaqələrin köhnəlmiş kimi qəbul edilməyə başlandığını deyib.

Oxşar xəbərlər

Ermənistan baş naziri: Avropa İttifaqı ilə inteqrasiya prosesinə başlayırıq

Rusiya hökuməti: Ermənistanın Avropa İttifaqı ilə ticarəti Avrasiya İqtisadi İttifaqından dəfələrlə azdır

Zatulinin mediada ağlaması ona Ermənistan hakimiyyətinin rəğbətini qaytarmayacaq - RƏY

Overçuk: Ermənistan Avrasiya İqtisadi İttifaqı və Aİ arasında seçim etməli olacaq

Overçuk: Ermənistan Aİ-yə daxil olarsa, Rusiya onunla iqtisadi əlaqələrini yenidən nəzərdən keçirəcək