Mavritaniyanın Sahil Mühafizəsi Qüvvələri Nuakşot sahilləri yaxınlığında batma təhlükəsi ilə üzləşən qayıqdan 110 qanunsuz miqrantı təxliyə edib.

Axar.az xəbər verir ki, bu barədə Mavritaniyanın Sahil Mühafizəsi Qüvvələrinin yaydığı bəyanatda bildirilib.

Məlumata görə, miqrantları daşıyan qayıq Qambiyanın paytaxtı Bancul şəhərindən yola çıxıb. Qeyd olunur ki, qayığın mühərriki sahildən təxminən səkkiz dəniz mili məsafədə əlverişsiz hava şəraitində sıradan çıxıb. Nəticədə qayığın kapitanı təcili yardım çağırışı edib.

Xilas edilən şəxslər arasında 80 Mali, 12 Seneqal, 10 Qambiya, 4 Mavritaniya, 3 Kot-d’İvuar və bir Nigeriya vətəndaşı olub.

Sahil Mühafizəsi Qüvvələri bildirib ki, xilas olunan bütün miqrantlarla bağlı qüvvədə olan hüquqi və humanitar prosedurlara uyğun tədbirlər görülüb.

Oxşar xəbərlər

Seneqal sahillərində miqrant qayığı qəzaya uğrayıb, onlarla insan ölüb

Türkiyə sahillərində onlarla qanunsuz miqrant xilas edilib

Yunanıstan adaları yaxınlığında 600-dən çox qeyri-qanuni miqrant xilas edilib

Türkiyə sahillərində qanunsuz miqrantları daşıyan qayıq batıb

Türkiyə sahillərində ən azı dörd miqrant boğulub