ABŞ-də Kaliforniya ştatının Beykersfild şəhərində naməlum şəxs bankın qarşısında barrikada quraraq bir neçə nəfəri girov saxlayıb. Hücumçunun üzərində partlayıcı qurğu ola bilər.

"Report" xəbər verir ki, bu barədə "ABC News" televiziya kanalının yerli şöbəsi məlumat yayıb.

Naməlum şəxs yerli vaxtla saat 13:00 radələrində (Bakı vaxtı ilə saat 00:00) Chase bank filialına girib içəridə barrikada qurub. Hüquq-mühafizə orqanlarının əməkdaşları binanı mühasirəyə alıblar.

Girovlardan biri azad edilib, lakin bankın içərisində saxlanılanların ümumi sayı hələlik məlum deyil.

"Təsdiqlənmiş bomba təhlükəsi ilə əlaqədar Çester prospekti və 17-ci küçədə yerləşən Chase Bank binasındayıq",- yerli hüquq-mühafizə orqanlarının rəsmiləri X-dəki açıqlamada bildiriblər.

Hadisə yerinə Federal Təhqiqat Bürosunun agentləri də göndərilib.

Oxşar xəbərlər

Kanadada naməlum şəxs parlamentin binasında barrikada qurub

Fransada polis bankda insanları girov götürən şəxsi yaxalayıb

Almaniyanın Rimbax şəhərində bankda azı bir nəfəri girov götürən şəxs saxlanılıb

Ukraynanın Lissabondakı səfirliyi bomba təhlükəsi səbəbindən boşaldılıb

Çində naməlum şəxs insanlara bıçaqla hücum edib, ölənlər var