Ermənistan və Türkiyə iş adamları Qars şəhərində görüş keçirib.

Axar.az erməni mediasına istinadla xəbər verir ki, görüşdə nəqliyyat, logistika, turizm və ticarət sahələrində əməkdaşlıq imkanları müzakirə edilib.

Görüş Qars Ticarət və Sənaye Palatasının (KATSO) təşəbbüsü, eləcə də Ermənistan və Türkiyə xarici işlər nazirliklərinin və Türkiyə Ticarət Palataları və Birjaları Birliyinin (TOBB) dəstəyi ilə baş tutub.

Ticarət və Sənaye Palatasının prezidenti Qadir Bozan nəqliyyat və logistika infrastrukturunun inkişafının regionun iqtisadi gələcəyi üçün böyük əhəmiyyət kəsb etdiyini vurğulayıb. O, keçirilən hər bir görüşün yeni investisiyalara və dostluq əlaqələrinin formalaşmasına səbəb olacağına ümid etdiyini bildirib.

Türkiyəli və erməni iş adamları həmçinin qida sənayesi, tekstil, tikinti, turizm və texnologiya sektorları ilə bağlı məsələlər üzrə qapalı görüşlər keçiriblər.

Oxşar xəbərlər

Azərbaycan və Türkiyə biznes əməkdaşlığının inkişafını müzakirə edib

AZPROMO Qars Ticarət və Sənaye Palatası ilə əməkdaşlıq perspektivlərini müzakirə edib

Azərbaycan və Krasnoyarsk iqtisadi əməkdaşlığı gücləndirir

Oktyabrda Azərbaycanda ilk dəfə Halal Biznes Forumu keçiriləcək

Bakıda Turan Tekstil Sərgisi açılıb