Ümumdünya Şəhərsalma Forumunun 13-cü sessiyası (WUF13) Azərbaycanın beynəlxalq təcrübə mübadiləsi üçün mühüm platforma oldu.

Bunu "Report"a açıqlamasında nəqliyyat sahəsi üzrə ekspert Rauf Ağamirzəyev deyib.

Onun sözlərinə görə, hər bir beynəlxalq tədbir ölkəyə və şəhərə yeni təcrübə qazandırır:

"Bakının yenidən yüksəksəviyyəli beynəlxalq tədbirlərin ünvanına çevrilməsi sevindiricidir. WUF13-ün qazandırdığı töhfələr sırasına gənclərin beynəlxalq təcrübə qazanması, könüllülük hərəkatının genişlənməsi, nəqliyyatın xüsusi rejimdə fəaliyyəti istiqamətində təcrübə və s. daxildir. Bu cür tədbirlər ölkəmizin tanınması yönündə ciddi töhfələr verir".

R.Ağamirzəyev həmçinin bildirib ki, Azərbaycan, demək olar, İkinci Dünya müharibəsindən sonra ən geniş tikinti meydançasına sahib olan ölkədir:

"Çünki azad edilmiş ərazilər, yerlə-yeksan edilmiş torpaqlar yenidən qurulur və bu, böyük bir təcrübə deməkdir. Bu təcrübəni bölüşmək üçün WUF13 yaxşı platformadır. Dünya şəhərləri hazırda ekoloji, həmçinin iqlim dəyişikliyinin riskləri ilə üz-üzədir. Azərbaycan və onun ətrafında olan bölgə ölkələri də riskləri real olaraq hiss edir. Səs kirliliyi, ekoloji kirlilik, tıxac problemi, böyük şəhərlərə meyillilik, urbanizasiyanın təsirlərinin həlli, nəqliyyatın transformasiyası və s. imkanların yaradılmasının müzakirəsi baxımından forum əhəmiyyətli idi. WUF13 fikir alış-verişi etmək, öz təcrübəsini bölüşmək, digər şəhərlərin təcrübəsini eşitmək üçün yaxşı platforma oldu".

Rauf Ağamirzəyev

Ekspert vurğulayıb ki, COP29 və WUF13 dövründə əsas diqqətçəkən məsələlərdən biri inklüzivlikdir:

"Tədbirlərin keçirildiyi yerlərdə inklüzivlik tam təmin olunub. Bunu edən isə azərbaycanlı mütəxəssislər olublar. Bu təcrübəni şəhərlərimizə də tətbiq etmək, əlçatanlığı təmin etmək lazımdır. Fiziki hərəkət məhdudluğu olan şəxslərin sosiallaşmasına, cəmiyyətə inteqrasiyasına bu cür addımlar müsbət töhfə verir".

R.Ağamirzəyev qeyd edib ki, Azərbaycan turizm potensialı yüksək ölkədir:

"Amma turistlərin də hərəkət etdiyi piyada marşrutunun genişləndirilməsinə, piyadaların önündəki baryerlərin aradan qaldırılmasına, eyni səviyyəli keçidlərin sayının artırılmasına ehtiyac var. İnsanlar rahat gəzib, yolu bir tərəfdən digər tərəfə rahat keçmək üçün uzun məsafə qət etməməlidirlər. WUF13-də tətbiq olunan standartlar ümumi şəhərlərə tədbiq edilməlidir. Bax, bu, bir irs yarada bilər".

Oxşar xəbərlər

Misirin mənzil tikintisi naziri WUF13-də iştirak edəcək

D-8: WUF13-ün uğuru Azərbaycanın mühüm beynəlxalq platforma kimi artan nüfuzunu gücləndirib

WUF13-lə bağlı Bakının rəqəmsal nəqliyyat xəritəsi təqdim olunub

WUF13-ün ümumi tədbir məkanı 53 hektardır

BDU-nun prorektoru: WUF13-ün yüksək səviyyədə təşkil olunacağına şübhə yoxdur