ABŞ Prezidenti Donald Tramp özünün varisi kimi vitse-prezident Ceyms Devid Vensi seçib-seçməmək məsələsində tərəddüd edir.

Axar.az xəbər verir ki, bu barədə “Nyu York Tayms” mənbələrə istinadən məlumat yayıb.

Mənbələrin sözlərinə görə, Amerika lideri müşavirləri ilə söhbətlər zamanı tez-tez Vensin prezident seçkilərində sona qədər gedə bilib-bilməyəcəyini sual edir.

NYT yazır ki, Tramp adətən özü bu suala cavab verərək buna əmin olmadığını bildirir. Şəxsi söhbətlərdə ABŞ prezidenti Vensin nailiyyətlərini öz uğurları ilə müqayisə edir:

“Tramp Vensin yalnız onun dəstəyi ilə çətin seçkilərdə qalib gəldiyini, həmçinin vitse-prezidentin məzuniyyətdə keçirdiyi günlərin sayını vurğulayır. Tramp özü adətən məzuniyyət götürmür”.

ABŞ prezidenti həmçinin dəfələrlə qeyd edib ki, Vens ABŞ-ın İrana qarşı hərbi əməliyyata başlamasına qarşı çıxıb.

Oxşar xəbərlər

KİV: Tramp Vensin öz varisi olacağına əmin deyil

Tramp 2028-ci il seçkilərində ehtimal olunan varisinin adını açıqlayıb

Tramp: İranla razılaşma bu gün axşam imzalanacaq

Tramp ABŞ-nin 47-ci prezidenti kimi and içib

Vens: Tramp İranın nüvə silahına malik olmasına imkan verməyəcək