Niderland, infeksiyaların artması ilə bağlı narahatlıqlar fonunda Avropada eksperimental hantavirus dərmanı "Favipiravir"in bir hissəsini alan ilk ölkələrdən biri olacaq.

"Sizinxeber.az" xəbər verir ki, bu barədə "Hart van Nederland" portalı məlumat yayıb.

Dərman Yaponiyanın "Fujifilm Pharmaceuticals" şirkəti tərəfindən hazırlanıb və hələlik yekun təsdiqini almayıb. Lakin istehsalçı dərmanı bir neçə Avropa İttifaqı ölkəsinə bağışlayacaq.

Niderlandan əlavə, İspaniya və Fransa da dərmanı alacaq. Avropa Komissiyası ümumi göndərişin təxminən 1400 tablet olacağını bildirib.

Portalın qeyd etdiyi kimi, Avropa Əczaçılıq Agentliyi dərmanı klinik sınaqlarda istifadə üçün kifayət qədər təhlükəsiz hesab etsə də, onun hantavirusa qarşı effektivliyi hələlik qəti şəkildə təsdiqlənməyib. Dərmanın Niderlanda dəqiq çatdırılma tarixi də açıqlanmayıb.

Oxşar xəbərlər

Amerikalı alimlər qocalma əleyhinə dərmanı sınaqdan keçirir

Niderlandda 12 səhiyyə işçisi hantavirusla işləyərkən qanun pozuntularına yol verib

İspaniyada hantavirusa ilk yoluxma halı qeydə alınıb

Leykemiya xəstəliyinə ikiqat zərbə vuran müalicə üsulu hazırlanıb

Astma dərmanı nadir nevroloji xəstəliyin simptomlarını yüngülləşdirir