Moldova Rusiyanın səfirinin ölkədən çıxarılmasını nəzərdən keçirmir.

Bunu Moldovanın baş nazirinin müavini və xarici işlər naziri Mixay Popşoi “Qolos Bessarabiya” telekanalına müsahibəsində bildirib.

Onun sözlərinə görə, Moldova ilə Rusiya arasındakı münasibətlər hələ səfirlərin geri çağırılması və ya ölkədən çıxarılması səviyyəsinə çatmayıb.

“Belə sərt addımın simmetrik və ya asimmetrik cavab doğuracağı aydındır. Buna görə də regional təhlükəsizlik vəziyyətinin mürəkkəbliyini nəzərə almalı və addımlarımızı buna uyğun ölçüb-biçməliyik”, – deyə Popşoi vurğulayıb.

Qeyd edək ki, Kişinyov və Moskva arasında münasibətlər 2021-ci ildə Maya Sandu və onun rəhbərlik etdiyi Fəaliyyət və Həmrəylik Partiyasının hakimiyyətə gəlməsindən sonra soyumağa başlayıb. 2022-ci ildə Moldova Rusiyaya qarşı sanksiyalara qoşulduqdan və onlarla rus diplomatını ölkədən çıxardıqdan sonra münasibətlər daha da pisləşib.

Oxşar xəbərlər

Sandu: Moldova Aİ-yə üzvlük danışıqlarını Ukrayna ilə birlikdə aparacaq

Rusiya XİN: Moldovanın rumınlaşdırılması prosesi gedir

Moldova Baş naziri: Rusiya 10 min hərbçini Dnestryanı bölgəyə yerləşdirməyə çalışır

Maya Sandu yenidən Moldova prezidentliyinə namizəd olub

Kreml Qaqauziya rəhbərinin saxlanmasına münasibət bildirib