Hindistanın müxtəlif ştatlarında müşahidə olunan güclü yağış və fırtına nəticəsində azı 28 nəfər ölüb.

Bu barədə “Hindustan Times” məlumat yayıb.

Məlumata görə, ən çox ölüm halı Uttar-Pradeş ştatında qeydə alınıb. Burada ildırım vurması nəticəsində 2 nəfər, ağacın evin üzərinə aşması nəticəsində 3 nəfər, tikilməkdə olan körpünün çökməsi nəticəsində isə 6 nəfər ölüb.

Qüvvətli fırtına səbəbindən çoxlu sayda heyvan tələf olub, bəzi binalara ziyan dəyib.

Qərbi Benqal və Bihar ştatlarında güclü külək və ildırım vurması nəticəsində hər birində 7 nəfər olmaqla ümumilikdə 14 nəfər ölüb.

Madhya-Pradeş ştatında isə şiddətli yağışlar nəticəsində 3 nəfər həyatını itirib, 2 nəfər yaralanıb.

Meteoroloqlar Hindistanın şimal bölgələrinin bir hissəsində əlverişsiz hava şəraitinin davam edə biləcəyi barədə xəbərdarlıq ediblər.

Oxşar xəbərlər

Hindistanda güclü fırtına nəticəsində 90-a yaxın insan ölüb

Hindistanda güclü yağışlar və fırtına nəticəsində 27 nəfər ölüb

Hindistanda ildırım vurması nəticəsində 7 nəfər ölüb

ABŞ-da fırtına nəticəsində azı 27 nəfər həlak olub

Hindistanda ildırım azı 25 nəfərin ölümünə səbəb olub